Líf mitt á Bifröst

2006-08-26T10:21:00.000Z

Hæhæ

Allir vildu að ég færi að blogga aftur þar sem ég væri flutt af landibrott. Ég skorast auðvitað ekki undan því en ætla samt ekki að blogga hér. Við sem búum saman hér í Kristianstad ég, Þórður og Binni erum komin með sameiginlegt blogg www.svithjod.bloggar.is endilega kíkið þangað.

Kv,

Margrét

2006-03-10T14:53:00.000Z

2006-01-02T00:24:00.000Z

Afsakið hlé....

í bili að minnsta kosti eða þangað til mig langar aftur að fara að blogga

2005-12-12T09:20:00.000Z

Sváfum þrjú í einbreiðu rúmi í nótt ég, Þórður og Moli.

Það kom sossum ekki að sök þar sem nætursvefninn var ekki nem þrír og hálfur tími. Ástða?

Eigum að skila missó klukkan 12, íííhahahaha.....

Vorum að prenta skýrsluna út til klukkan fimm, þurftum síðan að vakna til að sjá einkunnirnar til að athuga hvort við þyrftum að fara á pófsíninguna á Bifröst. Einkunnirnar eru síðan ekki komnar á netið.....

.....er bara að bíða og bíða en biðin verður brátt á enda

2005-12-11T22:41:00.000Z

Gleymdi plokkaranum mínum á Bifröst.... það er vesen

2005-12-09T12:28:00.000Z

Hrikalega mikið að gera

Prófin gengu fínt fyrir utan þetta sem ég mætti ekki í. Veit ekki hvernig það gekk enda mætti ég ekki í það;)

Er að vinna erfiðasta missó* sem ég hef unnið á mínum skólaferli á Bifröst. Verkefnið er ja næstum á við þrjú misserisverkefni en það er bara gaman. Gaman að takast á við eitthvað sem virkilega reynir á. Ég var búin að gera ráð fyrir að missó yrði bara létt og ég gæti undiðbúið jólin, heimsótt vini mína, hangið á kaffihúsum og notið lífsins. Ég er nefnilega að vinna missó í Reykjavík. En nei, ekkert konfekt, engar jólagjafir, ekkert föndur, engar heimsóknir og engin kaffihús. Bara pjúra vinna frá morgni til kvölds. Skil á verkenfinu á mánudags morgun og síðan þurfum við að verja það í vikunni.

En ég tek á þessu jólastússi af fullum krafti eftir 16. desember, því þá kemst ég í jólafrí.

2005-11-20T22:50:00.000Z

Ég er fokking pirruð
Á morgun byrja ?jóla? prófin hjá mér. Þau standa yfir í nákvæmlega eina viku og á þessari viku þarf ég að taka fjögur próf. Ég er heppin því flestir aðrir þurfa að taka fimm próf á fimm dögum. VD2 (viðskiptadeild 2. ár) tók nefnilega eitt próf síðasta mánudag því við byrjuðum viku fyrr í einum áfanganum. En ástæðan fyrir pirringi mínu er sú að ég er aftur orðin veik. Aftur komin með hálsbólgu og hita. Hvernig er hægt að verða veikur þegar maður er enn að rembast við að klára síðasta penselín skammt??? Ég veit ekki hvernig prófið fer á morgun og ég veit heldur ekki hvort ég fer í það. Eitt veit ég að það er ömurlegt að læra með hita, það er einhvernveginn eins og allt farir inn um annað og út um hitt.

2005-11-14T20:16:00.000Z

jájá, eigum við ekki bara að segja það...

Partítröll

Þú ert nýjungagjörn, tilfinningarík félagsvera. Partítröllið fylgist vel með nýjustu straumum og stefnum hvort sem um er að ræða föt, tónlist eða græjur. Það eru 74.5% líkur á því að það eigi iPod, 61% líkur á því að það eigi Fred Perry póló bol og 96% líkur á því að það eigi Adidas skó. Partítröllinu finnst The OC vera skemmtilegur þáttur. Partítröllið er vinsælt - eða telur sig að minnsta kosti vera það. Þótt margir laðist að því eins og flugur að mykjuhaug eru aðrir sem eru ónæmir fyrir þokka þess og enn aðrir sem hafa jafnvel ofnæmi fyrir því. Það eru þeir sem eru í eldhúspartíinu á meðan partítröllið hristir rassinn og baðar út öngum á dansgólfinu. Þegar gamaninu slotar er partígríman þó fljótt tekin niður og undan henni kemur viðkvæma blómið sem partítröllið raunverulega er. Hvaða tröll ert þú?

2005-11-10T17:51:00.000Z

Ég var klukkuð. Ég var alveg búin að ákveða það að ef ég yrði klukkuð aftur þá mynd ég sko ekki svara því. Mér fanst nefnilega þetta nýja klukk alveg fáránlegt. En þar sem Rut besta klukkaði mig þá ákvað ég að svara annað er bara ekki hægt hún er nú svo langt í burtu.

Núverandi tími: 17:22

Núverandi föt: Rauð 66°N flíspeysa, gláar íþróttabuxur og rauðir ullasokkar.

Núverandi hár: Skrýtinn litur, held að hann sé brúnn úfið og asnalegt.

Núverandi pirringur: Mjög pirruð yfir því að vera veik ætti að vera á blakæfingu sem er miklu skemmtilegra en að liggja uppi í rúmi.

Núverandi lykt: Finn enga lykt enda er ég lasin.

Núverandi hlutur sem þú ættir að vera að gera: Læra undir lokapróf í International marketing and costumer behaver

Núverandi skartgripir: Engir af því að ég er veik. Annars er ég alltaf með þrjá hringi einn frá mömmu, einn frá Rut og Guðrúnu og einn frá Þórði.

Núverandi áhyggja: áhyggjar af prófinu á mánudaginn.

Núverandi löngun: að vera frísk

Núverandi ósk: ad verða aldrei veik

Núverandi farði: enginn

Núverandi eftirsjá: Að mæta ekki oftar í fyrirlestra í International marketing?..

Núverandi vonbrigði: Að verða veik

Núverandi ást: ást mín á Þórði, fjölskyldu minni, vinum ´mínum og lífinu, já og Mola.

Núverandi staður: uppi í rúmi sem er staðsett inni í svefnherberginu, eldhúsinu, stofunni og tölvuherberginu. Ég kýs að kalla þetta svæði svefnálmuna.

Núverandi bók: What not to wear, Power Joga, útsaumsbók, nokkrar skólabækur og fullt af tímaritum allt á náttborðinu mínu.

Núverandi bíómynd: ég nenni ekki að horfa á myndir nema að þær séu virkilega góðar. Síðast sá ég Charlie and the?Fannst hún skemmtileg og stefni á að sjá nýju Tim Burton myndina næst þegar ég fer í bæinn.

Núverandi íþrótt: Blak og Jógalates

Núverandi tónlist: Þórður er að hlusta á David Gray í tölvuherberginu og ég kemst ekki hjá því að heyra í honum hingað yfir í svefnálmuna;)

Núverandi lag á heilanum: ekki neitt

Núverandi blótsyrði: Sjitturinn titturinn og löggan með.

Núverandi msn manneskjur: 26 online flestir Bifrestingar en ekki þeir sem ég þarf að tala við í augnablikinu.

Núverandi desktop mynd: Mynd af heiminum og tímalínum, var þegar ég fékk tölvuna (ég ætti kannski að fara að skipta).

Núverandi áætlanir fyrir kvöldið: Svara mjög vel einni spurningu í IMCB.

Núverandi manneskja sem ég er að forðast: Rut

Núverandi dót á veggnum: Ekkert á veggjunum, það er nefnilega bannað að negla og hengja hluti upp á veggina í íbúðinni minni.

Þar sem ég var alveg á móti þessu klukki þá ætla ég ekki að klukka neinn. En ef einhvern langar til að vera klukkaður þá má hann það.

2005-11-07T14:40:00.000Z

Helgin og handavinnan
Helgin var góð, fór í sveitina í afmæli hjá Hildi sveitastelpu. Þar var mikið fjör eins og æfinlega þegar sveitastelpurnar koma saman. Tókum vel á því og kíktum að sjálfsögðu á Kristján tíunda í framhaldi af ammælinu. Fyrir þá sem ekki vita þá er Kristján tíundi bar á Hellu sem við vorum duglegar að heimsækja sérstaklega áður en við höfðum aldur til þess. Það var góð stmming á stjánanum og fátt sem hefur breyst. Ennþá er sama fólkið þar, enn einhverjir gamlir kallar að reyna við allar stelpurnar, enn einhvejir sem þurfa að slást og svo framvegis. Samt alltaf gaman að stíga dans á dansgólfinu.

Hugur minn er allur í handavinnunni þessa dagana. Er að prjóna peysu, sauma krosssaum mynd af torfbæa sem stendur á drottinn blessi heimilið og um helgina eignaðist ég hálf klárað veggteppi sem ég stefni á að klára í nánustu framtíð. Mér finst alveg rosalega gaman að þessu og gott getað gripið í handavinnuna þegar ég hef ekkert að gera. Amma er mjög ánægð með þetta uppátæki mitt og gaf mér körfu undir handavinnuna mína þegar ég heimsótti hana um helgina.

Er að fara að halda fyrirlestur eftir nákvæmlega fimm mínútur þannig að það er spurning um að fara að hætta þessu og skoða glærurnar sem ég er að fara að kynna.

Good luck

2005-11-02T23:06:00.000Z

Mér er ilt í löppinni, hún er bólgin, ég labba asnalega um ganga skólans, fólk horfir á mig. Nú er ég farin að skilja sviðskrekkin sem Sigga vinkona mín hafði þegar hún var fótbrotin á hækjum. FÓLK STARIR!!

2005-11-02T23:04:00.000Z

Mér er illt í löppinni, hún er bólgin ég labba mjög asnalega um ganga skólans, allir horfa á mig. Nú er ég farin að skilja sviðskrekkinn sem Sigga vinkona mín hafði þegar hún var fótbrotin á hækjum. FÓLK STARIR!!

2005-11-01T23:29:00.000Z

Samkrull héðan og þaðan
Var næstum komin að því að hætta að blogga. Fanst ég einhvernvegin ekki hafa frá neinu merkilegu að segja. Ætlaði bara að segja AFSAKIÐ HLÉ. En eitthvað togaði satm í mig ég á eftir að setja inn á þetta nokkrar færlur sem mér finst alveg nauðsynlegt að þið fáið að lesa. Síðan fynst Robba greinilega gaman að því að fylgjast með lífi mínu og kanski Gussa líka smá, þannig að ég ætla að halda áfram þó ekki nema væri fyrir þá.

Skrapp til Kaupmannahafnar ásamt móður minni og systur í síðustu viku. Það var alveg frábært. Augljóslega fórum við (3 konur) nær eingöngu til að versla. Ég hef heyrt að það sé eitt það skemmtilegasta sem konur gera. Við gengum um götur borgarinnar, kíktum í búðir, versluðum hér og þar þangað til við vorum örmagna af þreytu. Ég veit ekki hversu marga kílómetra við gegnum þessa fjóra daga en þegar maður er með mömmu í útlöndum þá er sko ekki verið að taka leigurbíla. Enda hefur maður fátt betra að gera en að ganga um. horfa á mannlífið og skoða í kringum sig þegar maður er í útlöndum. Þetta var alveg frábær ferð og ég eignaðist smávegis af nýjum fötum sem mig auðvitað sárlega vantaði.

Fór á blakæfingu áðan en ekki vildi betur til en ég snéri mig strax á fyrstu mínútum æfingarinnar. Þetta var svo snemma að við vorum ekki einu sinn byrjuð að blaka. Einu sinni sem oftar ákváðum við að hita upp í bandí. Bandí er íþrótt sem mér hefur alltaf fundist afskplega skemmtileg en ekki í kvöld. Ég var þarna úti á vellinum með svörtu kilfuna mína mjög einbeitt þegar stór strákur kom aðsvífandi og ítti mér á kilfuna sína með ruddaskap. Ég ekki nem 158 cm á hæð (margir segja rétt yfir dvergamörkum) lenti ofan á kilfunni með löppina rann til og snéri mig. Þetta var ekkert rosalega alvarlegt en ég gat ekki fengið að snerta blakbolta á þessari æfingu. Nú ligg ég upp í rúmi og er svona frekar illt í löppinni. Hver segir svo að blak sé ekki hættuleg íþrótt????

2005-10-03T19:16:00.000Z

Þeir bara ónuðu pleisið en maður þekkir þetta lið þannig að maður var ekki eins og rækja

Sagði Birta systir mín um tvo rokkara sem voru á bar í gær. Fyrir þá sem ekki skylja setninguna þá semsagt voru drengirnr mjög ánægðir með sig og létu eins og þeir væru aðal mennirnir á svæðinu en hún þekkti þá þannig að hún var ekki eins og einhver auli sem þorði ekkert að tala. Ég er búin að vera að hlæja að þessari setningu í allan dag.

Annar þá fór ég með Birtu og pabba í ansi skrautlega kolaports ferð í dag. Í fyrstalagi þá sprakk á bílnum á leiðinni í kolaportið sem í sjálfu sér hefði ekki verði svo mikið vandamál. Nema hvað við settum vardekkið á en þegar taka átti af stað þá hreyfðist bílinn ekki neitt, vara dekki neitaði að snúast. Eftir margar hringingar og mikið vesen komumst við að því að felgu boltarnir sem fylgja álfelgunum passa ekki fyrir felgurnar sem vara dekkið er á og í bínum voru engir aðrir felgu boltar. Vesenið varð enn meira vegna þess að í dag er sunnudagur og á sunnudögum eru engin dekkjaverkstæði opin. Við enduðum því á skyndilausn sem er froða sem maður sprautar í sprungna dekkið þannig að það leki ekki. Saman lagt tók þetta nokkra klukktíma því við lögðum af stað um hádegi en vorum ekki komin heim fyrr en klukkan 4 (reyndar búin að fara í Koló í millitíðinni). Af þessu varð síðan mikill pirringur sem reyndar hvar í Koló því við systurnar gerðum soddan reifara kaup þar. Fengum meðal annars alvöru Louis Vuitton tösku fyrir skítnar 500 krónur. Gull skó með fyltum hæl og flott leðubelti fyrir litlar 700 krónur. Þetta keyptum við á bás hjá gömlu konum sem eru í saman í íþróttafélagi og voru að safna sér fyrir einhverju (kanski nýju, fínu, bleiku, sérsaumuðu og merktu henson göllunm sem þær voru í).

2005-10-02T22:17:00.000Z

Þeir bara ónuðu pleisið en maður þekkir þetta lið þannig að maður var ekki eins og rækja

p.s. ég er enn að hlæja af setningunni hennar Birtu, kanski er ég bara með svona lélegan húmor

2005-09-29T10:31:00.000Z

Kennarar frá HÍ.... Án þess að ég ætla að vera hrokafull eða dónarleg þá verð ég að viðurkenna að kennarar frá HÍ eru ekki að gera góða hluti a.m.k. ekki hér á Bifröst. Er í reiknishaldstíma, get ekki sagt að ég sé að skemmta mér mjög vel. Enda er ég að blogga í stað þess að vera að fylgjast með.

2005-09-22T12:32:00.000Z

KLUKK

Þá kom að því Ragga klukkaði mig. Þetta klukk er að tröllríða öllu í bloggheiminum. Fyrir þá sem ekki vita, þá á sá sem er klukkaður að skrifa fimm hluti um sjálfan sig sem ekki er á allra vitorði.

1. Þegar ég var komin í háskóla uppgötvaðist að ég væri lesblind, fremur seint í rassin gripið verð ég að segja, en mig hafði grunað þetta lengi. Ég tel þetta vera ástæðuna fyrir því hversu fáar bækur ég hef lesið um ævina og aðeins einu sinni fengið bók í jólagjöf.

2. Móður afi minn og öll systkini hans dóu mjög ung úr ættgengri hvítblæði. Mamma varð því næst elsti einstaklingurinn í sinni ætt einungis þrítug að aldri.

3. Mér finnst háhæluð, támjó, stígvél með pinnahæl ógeðslega ljót.

4. Þegar ég var í 2. bekk í Kvennó, var ég 7 kílóum þyngri en ég er í dag. Það er mikið fyrir manneskju sem er bara 158. En mér fanst ég samt vera fín þá, skrítið.

5. Þegar ég var lítil hélt ég því statt og stöðugt fram að það væri mamma sem væri að syngja í útvarpinu lagið Er birtist mér í draumi. Síðar komst ég að því að þetta var ekki mamma heldur Sigga Beinteins.

Ég ætla að klukka Siggu H, Rut, Hildi, Elmu, og Köru.

Þetta var ágæt leið til að eyða tímanum í staðinn fyrir að hlusta á reiknishaldskennarann. Þrátt fyrir að þetta sé óttarlegt bull.

2005-09-20T11:19:00.000Z

Og mér heldur betur brá í brún....
Þegar ég vaknaði í morgun hélt ég að þetta þetta væri eins og hver annar venjulegur morgun. Ég snúsaði aðeins of mikið og var ótrúlega þreitt. Reyndar var óvenjulega kallt í herberginu en ég héllt kanski að glugginn væri bara galopinn. Á endanum druslaðist ég fram úr rúminu og ákvað að fara út í glugga til að loka hinum. Ég dró gardínuna frá glugganum en gluggin var lokaður. Mér var litið út um gluggan og öskraði yfir mig ,,guð minn góður,, því úti var allt hvítt. Þetta var ekki svona venjulegur fyrsti snjór í september, þar sem jörðin er smá hvít aðallega vegna þess að það var nætur frost ó, nei. Snjónum kyngdi niður, ég er að tala um alvöru jólasnjó, með tilheyrandi stórum hvítum snjófliksum. Svona er Bifröst í dag.

2005-09-19T22:02:00.000Z

Íbúðin mín...

...er 28fm

...er eins herbergja

...er snyrtileg

...er með stórri sturtu og stæðsta sturtuhaus sem ég hef séð

...er á fjórðu hæð með dásamlegu útsýni yfir hraunið og Hreðavatn

...er glæný, næstum of ný

...er í rauninni pólsk, hún var byggð af pólverjum, húsgögn og innréttingar koma frá póllandi og pólverjar settu húsgögnin saman.

...ég sef, borða, læri, sauma út, elda, slappa af, stunda jógalates, vinn og eflaust eitthvað fleira allt í sama herberginu í íbúðinni minni

...er góð

2005-09-13T11:52:00.000Z

Sumir eru jólabörn... En ég er afmælisbarn. Ég hef alltaf verið mikið afmælisbarn, vil alltaf hafa mikið af fólki í kringum mig (mikið fólk = mikið af pökkum) þegar ég á afmæli. Ég tók þá ákvörðun þegar ég var 15 ára gömul að gera eitthvað úr afmælinu mínu, hafa afmælisdaginn minn eftirminnilegan. Ástæðan var sú að 15 ára afmælið mitt var ömurlegt. Þá vann ég mína fyrstu vakt í kaupfélaginu á Hvolsvelli (sem var alveg ömurlegur vinnustaður), það var enginn úr fjölskyldunni minni heima, ég fékk enga afmæliskveðju og enga afmælispakka. Þarna komst ég að því að ég væri orðin það gömul að ef ég vildi eiga góðan afmælisdag þá þyrfti ég að búa hann til sjálf. Síðan þá hef ég alltaf gert eitthvað skemmtilegt og afmælisdagurinn alltaf verið mjög eftirminnilegur.

Þangað til í gær. Í gær varð ég 21 árs gömul og gerði ekkert skemmtilegt, ástæðan: ég var veik heima á Bifröst. Ég lág uppi í rúmi mest allan daginn, saumaði út, vafraði á netinu og lét mér leiðast. Ég fékk enga pakka því ég var stödd á Bifröst fjarri þeim sem eru vanir að gefa mér pakka. Reyndar var ég búin að fá pakkan frá Þórði því ég sá hann óvart í skottinu á bílnum okkar á laugardagskvöldið. Þá var ég svo spennt að ég gat ekki beðið fram á mánudag, enda var pakkanum pakkað í sellófón og ég hafði sterkan grun um hvað í honum væri.

En þrátt fyrir að ég væri í volæði á Bifröst fékk ég nú fullt af sms-um og símhringingum með óskum í gær. Það var gaman og mér hlýnaði um hjartaræturnar. Takk fyrir það.

P.S. þar sem nú er komin vetur er ég staðráðin í að verða duglegri að blogga heldur en í sumar:/

2005-08-16T15:49:00.000Z

Á 1. farrími í 400 króna skóm*
Smá ferðasaga frá Ítalíu....

Þegar komið var að heimferð, þurfti ég og Þórður að taka lest frá Rímíní til Bolognia. Við mættum á lestarstöðina 25 mín. fyrir brottför og töldum það nægan tíma. Þá sá ég röðina til þess að kaupa miða í lestina, hún var ansi löng og gekk fremur hægt. Klukkan tifaði og við mjökuðumst áfram í röðinni. Loksins var röðin komin að okkur og við keyptum tvo miða. Hlupum síðan út á brautarteinana með allan farangurinn enda bara tvær mínútur þar til lestin átti að fara. Við fundum rétta teina og biðum eftir lestinni. Hún mætti á svæðið og við ætluðum að fara inn í hana en í dyrunum stóðu tveir verðir sem böbbluðu eitthvað á ítölsku sem við skildum ekki neitt. Við ákváðum því að fara bara inn um næstu dyr og það gekk upp. Fundum okkur þessi fínu sæti, nó pláss fyrir fargangurinn og allt. Ég sagði við Þórð ,,rosalega er þetta fín lest, geðveit mikið pláss og stór og góð sæti,,. Eftir stutta stund kom maður með vagn og gaf okkur íste og kex, allt frítt meir að segja. Ég var alveg rosalega hissa á hvað þessar ítölsku lestar voru frábærar. Samt fannst okkur eitthvað bogið við þetta, þetta var eiginlega of gott til að vera satt. Eftir stutta stund kom kona til að klippa í lestarmiðann okkar. Hún skoðaði miðann og sagði síðan, þið eruð á 1. farrími en miðinn gildir aðeins fyrir 2. farrími. Aha, þetta útsýrði ýmisslegt. Við ákváðum að borga bara aðeins meira fyrir miðann okkar, þannig að við fengjum að vera þarna áfram því við nenntum ómögulega að drösla öllum farangrinum í gegnum alla lestina. Það gekk upp og við fengum að sitja áfram. Þegar við vorum komin langleiðina til Bolognia þá varð mér litið á merki fyrir ofan sætin okkar Þórðar og viti menn, sætin sem við sátum í voru ekki einungis á 1. farrími heldur líka hjólastólasæti. Það útskýrði af hverju sætin voru svona breið og mikið pláss fyrir töskurnar.

Pís Át

*skórnir sem ég var í á ferðalaginu voru úr tiger

2005-08-16T09:57:00.000Z

Farin og komin aftur Skrapp í viku til Ítalíu. Þessi ferð var ákveðin með mjög stuttum fyrirvara, þannig að ég var ekki búin að hafa tíma til að blogga um að ég væri að fara en ég er sem sagt farin og komin heim aftur. Ég held að sumar og blogg fari ekkert allt of vel saman amk ekki í mínu tilfelli. En ferðin var alveg frábær gerði lítið annað en að slaka á, borða, versla, hjóla, labba, liggja í sólbaði og sof. Ef ég kynni þá myndi ég henda nokkrum vel völdnum myndum inn á vefinn, en því miður er ég ekki nógu klár til þess. Eða öllu heldur nenni ég ekki að reyna að setja þær inn.

Þetta er alveg svakalega ómerkileg færsla hjá mér, vonandi kemur eitthvað betra upp úr mér þegar ég verð betur vöknuð....

2005-07-10T17:27:00.000Z

Ekki vera seinnt á ferð

Er búin að ferðast mikið undanfarna daga. Hef núna komið á öll helstu krumma skuð á landinu Kópasker, Patreksfjörð, Siglufjörð og Raufarhöfn. Ég verð að viðurkenna að ég gæti aldrei búið á þessum stöðum svo langt langt í burtu en burtu frá hverju? Jú burtu frá öllum sem ég þekki, burtu frá sjónvarps, útvarps sendingum, burtu frá matsölustöðum og búðum, burtu frá löngum opnunartímum, burtu frá afþreyingu, burtu frá malbiki og svo gæti ég lengi talið. Hvolsvöllur sem bæjarfélag hefur vaxið mjög í mínum augum eftir þessi ferðalög. Þar er svo margt, þar næst svo mart, þar er svo stutt til Reykjavíkur og vegurinn á milli er allt í senn malbikaður, tvíbreiður og beinn.

Ef þið hafið í huga að ferðast til einhverja þessara þorpa mæli ég ekki með því að vera mjög seinnt á fer, það hefur mér reynst afar illa. Kom á Patreksfjörð klukkan hálf ellefu að kvöldi, keyrði beina leið að gistiheimilinu sem ég átti pantað herbergi á. Þar var allt lokað og læst og á hurðinni stóð hringið í ákveðið númer til að fá upplýsingar. Ég tók upp gemsann og hringdi, en mér til mikillar skelvingar varð síminn batteríslaus. Ég vissi hreinnt ekki hvað ég ætti til bragðs að taka en ákvað að fara upp í bíl og rúnta um bæginn og athuga hvort ekki væri einhver sjoppa á staðnum sem ég gæti fengið að hringja í. Jújú, nóg var að sjoppunum en allar lokaðar enda klukkan orðin 10. Þá hugsaði ég með mér að það hlyti að vera einhver á ferli sem ég gæti stoppað og fengið að hringja hjá. En nei, bærinn var alveg dauður ekki sála á ferli. Ég var komin með tárin og farin að sjá fyrir mér að ég þyrfti að sofa í bílnum í nótt þegar ég loksins keyrði fram á sjoppu sem var til allrar hamingju opin til klukkan 11. Ég fór inn, fékk að hringja og komast að lokum í herbergið mitt á gistiheimilinu. En þetta er ekki það eina. Nokkrum dögum seinna var ég komin á norðurland eystra. Lenti á Raufarhöfn klukkan 9 og var ekki búin að fá mér kvöldbat. Ég fór á hótelið sem ég átti að gista á en þar var búið að loka matsalnum. Ég ákvað því að drífa mig upp í bíl og athuga hvort ég gæti ekki fengið að borða einhverstaðar annarsstaðar í bænum. Ég fann litla sjoppu og hugsaði með mér að þar hlyti ég að getað fengið eitthvað að borða. Fór inn í sjoppuna og spurði afgreiðslukonuna áttu eitthvað til að borða hún svarað ,,oooo, þetta er nú erfitt. Ég er búin að slökkva á pylsu pottinum og ég held ég eigi engar samlokur,,. Þetta kvöld varð ég því að sætta mig við að borða ostapopp og sítrónukristal inn á hótel herbergi.

Fór og heimsótti Hrönn í Ásbyrgi vegna þess að ég átti leið framhjá. Þá var ég búin að halda námsskeið í bænum hennar Kópaskeri. Get ekki sagt annað en við skemmtum okkur vel yfir sögum af skrítnu fólki á Kópaskeri, þar sem ég sagði frá reynslu minni sem aðkomukona af bænum og hún sinni reynslu sem innanbæjarmaður. Það var gaman að heilsa upp á Hrönn en það var ekki síður skemmtilegra að fara í gönguferð um Ábyrgi. Ég var alveg búin að gleyma því hversu fallegt er í Ásbyrgi og lyktin þar er einstök. Samblanda af grasi, birki, víði, bláklukku, sóleyjum, elftingu og fleiri jurtum. Kyrrðin þar er dásamleg og fuglasöngurinn blandast einstakleg vel inn í fegurðina, kyrrðina og lyktina. Ég gekk um tjaldsvæðið í blíðskapar veðri og þegar ég heyrði braka í svefnpokum og hljóð frá rennilásum tjaldanna óskaði ég þess að ég væri með tjald í skottinu sem ég gæti skellt upp og verið þarna næstu daga.

2005-06-24T10:18:00.000Z

Síðastliðna sjö daga.....
Hef ég ferðast...
Reykjavík, Hvolsvöllur, Reykjavík, Keflavík, Reykjavík, Akureyri, Siglufjörður, Akureyri, Reykjavík, Hveragerði, Reykjavík og í kvöld mun ég fara á Hvolsvöll.

Hef ég...
Flogið innanlands í fyrsta skipti (fyrir utan að fljúga með lítilli rellu til Vestmannaeyja)

Keyrt yfir ómalbikaða heiði, Lágheiðina þar sem útvarpið næst ekki einu sinni.

Talað við fullt af mis lífsglöðum unglingum og reynt að blása í þá kjark og þor til að tala og segja sína skoðun.

Verið tekin af Akureyrarlögginni á 112 km hraða, ég sem keyri aldrei of hratt (Sigga ekki segja pabba þínum frá því).

Gist á gistiheimili þar sem ég held að ég hafi verið eini gesturinn.

Orðið bílveik hjá sjálfri mér í fyrsta skipti.

Gert mér grein fyrir því að unglingum finnst ég vera fullorðin þrátt fyrir að ég er bara 20 og þar af leiðandi aðeins 5 árum eldri en þau.

Gefið útskriftar gjöf sem ég keypti fyrir þremur vikum en hafið enn ekki komið í verk að pakka inn.

Hugsað standslaust um það að ég sé ekki búin að blogga í mjög lagnagn tíma.

2005-06-02T15:53:00.000Z

Típísk ég

Fór í Smáralind áðan til að kíkja á gleraugu. Það er nefnilega þannig í fríhöfninni að ef maður kaupir gleraugu þá fæ ég frí sólgler með. Þar sem mig vantar mjög nauðsinlega sólgleraugu, sá ég að það myndi ekki kosta mig neitt mikið meira að kaupa gleraugu og fá sólglerin með. Ég fór því í Optica studio til að skoða gleraugu. Mig langar í einhver frekar áberandi til að nota meira sparí. Eftir nokkarar mátanir fann ég ein algjörlega fullkomin, þau voru allt sem mig hafði dreymt um, flott, stór, áberandi, pen og klæddu mig vel í þokkabót. Viti menn það var enginn verðmiði á gleraugunum þannig að ég spurði hvað þau kostuðu. Afgreiðslukonan sagðir að hún héldi að þau væru frekar dýr og fór síðan að athuga verðið. Hún kom til baka og sagði við mig ,,þú hefur aldeilis dýran smekk þykir mér,, smá þögn kom og konan hélt áfram ,,já, umgjörðin kostar 37.900, ég held að þetta sé dýrasta umgjörðin í búðinni,,. Nú sit ég í vinnunni og læt mig dreyma um gleraugun og spyr mig af hverju ég????

2005-05-31T09:20:00.000Z

Það er allt í gangi, er á fullu í vinnunni. Sumarið er farið að leggjast vel í mig.

Sá konu á laugarveginum í gær, með stórann páfakauk á öxlinni og kaínu í poka. Spes.

2005-05-25T18:02:00.000Z

Er á Flúðum að vinna, hef takmarkaðan aðgang að netinu en kemst í menninguna á föstudaginn...

2005-05-20T12:34:00.000Z

Þetta ætti að kikka inn

Ég er búin að vera veik í TVÆR vikur og er orðin frekar þreytt á því að hanga inni og glápa á sjónvarpið á meðan að sólin skín. Í gær fór ég í ferðalag á Hvolsvöll. Ég fór til að hitta læknirinn á Hvolsvelli sem er skemmtilegur karl sem blótar í öðru hverju orði. Hann hlustaði mig og kíkti í hásinn, eyrun og nefið og sagði loks ,,andskotans, djöfuls.,, Næst settist hann fyrir framan tölfuna sína, horfði þungt hugsi á tölvuskjáinn í drykklanga stund og sagði loks ,,heyrðu Margrét, ég ætla að gera smá trikk, ég er svo mikið í trikkunum.,, Síðan snéri hann sér í stólnum og opnaði lyfjaglas. Ég velti því fyrir mér hvort hann væri virkilega að fara að fá sér pillur meðan að ég væri í viðtali hjá honum, en nei. Hann horfði ofan í glasið, og tautaði upphátt ,,já, 20 milligrömm.,, Næst sótti hann umslag merkt Heilsugæslustöð Rangæinga og skellti slatta af pillum ofan í það, horfði á mig og sagði ,, þetta ætti að kikka inn, þetta eru sterar sem þú tekur í nokkra daga.,, Síðan fékk ég lyfseðil með fleiri lyfjum, svona eins og maður er vanur að fá venjulegum læknum. Nú er ég búin að taka pillurnar sem ég fékk í umslaginu í einn og hálfan dag og viti menn þetta kikkar vel inn.

2005-05-13T17:46:00.000Z

10 hlutir sem eru á dagskrá næstu 10 daga

-Hitta tvær Siggur-

-Vinna-

-Fara til pabba á Flúðir-

-Hætta að vera veik-

-Skila bókum á Borgarbókasafnið-

-Grilla-

-Sofa út-

-Sækja þvottinn minn til mömmu-

-Fara í göngutúr-

-Fara á Kaffitár-

10 hlutir sem eru á dagskrá sumarsins

-Sofa í tjaldi-

-Fara til útlanda, hvert sem er, hvenær sem er-

-Djamma í sveitinni-

-Kaupa mér íslenska hönnun-

-Halda partý fyrir stelpurnar í gamla bekknum-

-Sækja um einkaleyfi-

-Ganga á Esjuna, Þríhyrning, Heklu og jafnvel fleir fjöll-
-Synda-

-Ferðast um landið-

-Sauma-

2005-05-05T17:35:00.000Z

Allt að klárast

Búin að fá út úr öllum prófunum og náði öllu mér til mikillar gleði. Búin að skila missó og nú er bara málsvörnin eftir. Ég hef orðið margs vísari um niðursoðinn fisk, niðursuðumarkaðinn í heiminum í dag, markaðsaðstæður í Rússlandi og auðvitað loðnu. Á mánudaginn er svo komið að málsvörn. Þá þarf ég ásmat hópnum mínum að verja verkefnið okkar fyrir framan kennara sem spyrja okkur spjörunum úr, humm...Allt mjög hátíðlegt en getur einnig verið mjög erfitt.

Síðan er kominn tími til að flytja eina ferðina enn. Ég hef heyrt margar sögur af því hversu vel við þurfum að þrífa íbúðina eftir okkur. Þetta eru engin eðlileg þrif það þarf að þrífa allt gólf, veggi, skápa, ofna, rör, ískápinn, frystirinn, kísilhreinsa allt á baðherberginu og svo mætti legin telja. Síðan þegar við teljum að allt sé orðið nógu hreint þá hringjum við í yfir skúringakonu skólans sem kemur og finnur að öllu. Hún er sjúklega nákvæm og elskar að segja fólki hvernig best sé að þrífa. Þessi þrif taka svona tvo sólahringa. Allt þetta hefur ollið mér miklum kvíða undanfarna daga. Ég vakna í svitabaði á nóttinni við drauma/martraðir um að ég sé að þrífa kísilinn af sturtuhurðunum á baðherberginu og ekkert gangi hann sé bara fastur, rosalegt ástand.

Sá skemmtilegt próf á síðunnu hennar Hildar. Hér getur þú komist að því í hvaða borð þú ættir að búa í. Í ljós kom að Lundúnir er borgin mín og af hverju jú:

You Belong in London A little old fashioned, and a little modern. A little traditional, and a little bit punk rock.A unique woman like you needs a city that offers everything.No wonder you and London will get along so well.

2005-04-26T12:19:00.000Z

ÉG NÁÐI

Ótrúlega góður dagur í dag, vaknaði í morgun og sólin skein. Magnað þetta veður, það er búin að vera ótrúlega gott veður hér á Bifröst í heila viku. Ég er búin að fara í gönutúr á hverjum einasta degi síðan sumarið gekk í garð. Umhverfið hér er ólísanlegt og svo margar gönguleiðir í boði að ég hugsa að hægt væri að ganga hér um í marga daga samfleytt. En snúum okkur nú aftur að þessum góða degi. Misserishópurinn minn hittist kl 8:30 í morgun líkt og aðra daga og við fengum okkur morgunmat saman. Um 10 leitið fékk Helga msn um að einkunnir úr markaðssamskiptum væru komnar inn á innranetið. Ég fékk hnút í magann og sagði ,,ég þori ekki að kíkja mér gekk nefnilega verr heldur en um jólin og þá fékk ég bara 7,5.? Ég kíkti nú samt og mér til mikillar gleði sá ég töluna 9, ég fékk 9 í prófinu. Þetta er ótrúlega góð einkunn sérstaklega í ljósi þess að markaðsfræði kennarinn telur 7,5 vera GÓÐA einkunn og 9 er einkunn sem nær ómögulegt er að ná. Við héldum áfram að vinna og eftir smá stund fékk ég msn frá Þórði. Hann sagði mér að einkunnir fyrir fjármálastjórnun væru komnar inn á netið. Fjármálastjórnun er prófið sem tölvan mín fraus í og missti fullt af svörum út í veður og vind. Ég var alveg viss um að ég hefði fallið. Ég þorði ekki að kíkja því ég vildi ekki að vera ónýt í hópstarfinu í allan dag. Svo leið og beið, ég var með endalausan hnút í maganum og gat bara ekki beðið lengur með að kíkja. Og viti menn, góðar fréttir á námsskjánum hennar Margrétar, ég náði prófinu!!!! Brosið það fer ekki af vörum mínu.....

2005-04-21T22:24:00.000Z

Þá er sumarið gegnið í garð

Í dag var opinn dagur hér á Bifröst. Þá kom allskonar fólk að skoða skólann og svæðið í kring. Ég fékk að vera ,,gæd,, fékk voða fínt nafnspald og fylgdi fólki um svæðið. Ég setti í gírinnog talaði og talaði og blaðraði, alveg út í eitt, spurning hversu vel ég hafi selt skólann? Veðrið síðustu daga er búið að vera geggjað og var dagurinn í dag engin undantekning, þrátt fyrir að um sé að ræða sumardaginn fyrsta. Ég las á mbl.is áðan að óvenju sumarlegt hefði verið á sumardaginn fyrsta, auk þess sem dagur og nótt hafi frosið saman, sem er vísbending á gott sumar samkvæmt þjóðtrúnni. Vegna þess hversu gott veðrið hefur verið þá er ég búin að fara í göngutúr á hverju degi, umhverfið hér á Bifröst er ótrúlega fallegt með óteljandi gönguleiðum. Mæli með því að kíkja við á Bifröst í góðu veðri, ég skal taka vel á móti ykkur. En örvæntið ekki þó svo að lítið sé eftir af skólanum núna, ég á eftir að vera hér í tvö ár til viðbótar.

Gleðilegt sumar allir saman....

2005-04-20T11:09:00.000Z

Hvernig er hægt að auka virði loðnu? Á hvaða markaði á að selja loðnu? Hvernig á að markaðssetja loðnu?

Hljálp!!!!

2005-04-13T12:39:00.000Z

17, Mammúd og próf

Um helgina fór ég á tónleika með Mammúnd í plötubúðinni Smekkleysu. Það kom mér skemmtilega á óvart hvað hljómsveitin er orðin þétt. Sum lögin þeirra voru alveg geðveik. Þau áttu það svo sannarlega skilið að vinna Músiktilraunir í fyrra. Tónleikarnir voru frekar underground, og mér leið ekkert sérstaklega vel að vera með 17 poka í hendinni. En ég var einmitt ný búin að kaupa mér gallabuxur í 17, þegar ég mætti á tónleikana. Söngkonan í Mammúd er með skemmtilega stæla sem voru kannski aðeins of mikil stæling af Björk. En hljómsveitin í heild er mjög flott.

Nú er bara EITT próf eftir hjá mér, sem er mjög gott. Fer í munnlegt markaðssamskiptapróf kl. 10:20 í fyrramálið. Prófin hafa gengið nokkuð vel fyrir utan tölvuatvikið í fyrsta prófinu. Jæjæ, ætli það sé ekki kominn tími til að undirbúa prófið.

2005-04-07T18:54:00.000Z

Farðu þarna tíkin þín

Ég var á röltinu út í búð áðan, sá í fjarðlægð nokkra krakka vera að leika sér. Ég hugsaði með mér, rosalega er það nú jákvætt hvað krakkarnir eru duglegir að leika sér úti, bæði þegar það er gott veður og líka þegar það er svona kalt úti. Það er svo jákvætt og gott fyrir krakkana að vera svona í sveitinni. Ég var ekki fyrr búin að hugsa þessi jákvæðu orð þegar ég heyri eina stelpuna segja ,,æ, farðu þarna tíkin þín,,. Ég var alveg furðu lostin hverskonar orðbragð væri á ca. 10 ára krökkum. Spurning hversu góð þessi sveita sæla er eftir allt???

2005-04-05T15:54:00.000Z

Helv. Bill Gates

Fór í próf kl 8:30 í morgun, eftir ca. 4 tíma svefn, prófið byrjaði ágætlega. Eftir tæpar 5 klukkustundir, 2 klósettferðir, hálfan líter af vatni og ein kókómjólk, gerðist hið ótrúlega. Eitthvað sem ég vara einganvegin andlega stemmd til að láta gerast, sérstaklega ekki þegar það er einungis korter eftir af prótímanum og maður hefur setið sveittur í 5 klukkustunda prófi. ERROR, í word!!! Það kom error í word-ið í tölvunni minni. Ég hafði ekki ýtt á save takkan í 1 og hálfan tíma!!!! Auto save, virkar ekki þegar svona error kemur. Þetta þýddi að 1 og hálf klukkustund af prófinu mínu hvarf út í veður og vind. Þetta var ógeðslega erfitt próf, þannig að ég mátti alls ekki við þessu. Tölvumaðurinn kom, reyndi allt sem hann gat, en nei þetta hvarf bara. Prófstjórinn kom til mín og sagði að ég fengi korter aukalega, KORTER til að vinna upp einn og hálfan tíma, NEIIIIIIIII. Eins og ég segi þá var ég EKKI í andlegu ástandi til að takast á við þetta, á þessum tímapunkti. Sem gerði auðvitað illt verra og þessi korter nýttist mér sama og ekki neitt.

Af hverju geta tölvur ekki bara verið í lagi? Af hverju þarf að koma upp error í einu vinsælasta forriti heims, reglulega?

Ég er hræddum að þetta þýði FALL í fjármálastjórnun, og mun þetta þá vera í fyrsta skipti sem ég felli í fagi. Ég er alveg BRJÁLUÐ...

2005-04-01T17:29:00.000Z

Apríl gabb

Nei enn hef ég ekki verið göbbuð....

Ég kemst ekki í bæinn þessa helgina, ástæðan PRÓF í næstu viku. Ég þarf að vara hér að læra og síðan er líka smá hópverkefni sem þarf að klárast fyrir mánudaginn. Ég veit ekki hvernig ég verð í næstu viku fyrst ég kemst ekki í bæinn. Þetta ætti sossum að reddast, nóg annað að hugsa.

Fann alveg frábært lag á tónlist.is áðan. Það heitir Kvennaskólapía og er með Ríó tríó. Textinn fjallar um mann sem er alltaf að leyta sér að konum, síðan þá komst hann yfir kvennaskólapíu....hann komst að, að kvennaskólapía um kvenna listir alla hluti veit...hann komst að, að kvennaskólapía er kannski meira en sumir ráða við....

Er búin að vera alveg húkt á mesta tímaþjófa leik sem ég hef fundið. Ég hef mjög gaman að svona lélegum kubba og kúlu leikjum. Þessi er mjög skemmtilegur og alveg ótrúlega mikill tímaþjófur. Ef þið hafið EKKERT við tímann að gera tékkið þá á Bobble shooter.

2005-03-30T18:54:00.000Z

Óþolandi þetta blogg kerfi

Þetta blogspot dót er ekki búið að vera að virka að undanförnu, en núna komst ég loks inn, þannig að hér kemur smá færsla.

Hundafár

Þessa dagana eru hundar og hvolpar voða mikið út um allt. Um páskana fór ég í sveitina og heima hjá tengdó er lítill hvolpur, þvílík dúlla og rosalega sprækur. Það er reyndar voða gott að þurfa ekki að bera ábyrgð á hinum því litlir hvolpar pissa og kúka innandyra, jafnvel þó að hurðin út sé opin og þeir komist alveg út. Það er eiginlega þannig að þess kemur inn til að pissa, voða gaman. Hvolpurinn var skýrður Kollý, sem hentar mjög vel þar sem hann er af ætt Border Kollie. En þetta er ekki það eina sem gerðist í hunda málum þessa páskana. Hundurinn okkar hann Moli, hann var nefnilega afsveinaður um helgina, enda kominn tími til hundurinn orðinn 6 ára. Líklegt er því að það komi litlir hvolpar eftir nokkra mánuði. Pálmi bróðir ætlar mjög líklega að fá sér einn lítinn hvolp, svona í staðinn fyrir barn í bili a.m.k. Síðan þá fengu sambýlingar okkar hér á Bifröst sér lítinn Boston Terrier hvolp, þannig að það hefur fjölgað í Útgarði 2. Hann er alger dúlla, pínu lítill og kúkar á gólfið, hehe. Þannig að heimilið er mjög líflegt og verður það þangað til skólinn er búinn. Nýji hvolpurinn var ekki skírður minna nafni en Jakop Thorariensen, kallaður í daglegu tali Kobbi.

Nú er ég að passa Kobba, en hann er bara sofandi við hliðina á mér, algjör dúlla. Núna er mig farið að langa geggjað mikið í hund en ég held að ég láti það nú eiga sig. Það er nefninlega mjög strangar hunda reglur hér á svæðinu, og Kobbi er því ekki neitt sérstaklega vinsæll meðal skóla yfirvald. Ég nenni ekki að standa í neinu þannig strögli, þannig að ég held að ég bíði með það.

2005-03-22T19:29:00.000Z

Gubbupest....

jája, eins og æfinlega þegar ég er í fríi þá verð ég veik, komin með gubbupest. Leiðinlegustu veiki sem hægt er að hugsa sér. Vaknaði í nótt ógó flökurt og þið þekkið afganginn. Ég er reyndar orðin skárri núna, en líður sammt ekki vel, mjög svöng en alngar sammt ekki í neytt að borða. Þetta er samt alveg ótrúlegt með mig, að í hverju einasta skóla fríi (jól og páskar) þá verð ég alltaf veik, þokkalega pirrandi.

Ímisslegt spennandi í gangi í sambandi við sumarið sem ég segi ykkur frá síðar, þegar allt verður orðið skýrara.

Nú er ég alveg búin á því eftir að hafa skirifað þessar fáu línur, þannig að það er kominn tími á að hvíla sig.

2005-03-21T11:41:00.000Z

Páskafrí spáskafrí
Hverskonar páskafrí er það þegar marður þarf að vinna tvö verkefni og eina stóra ritgerð, ekkert páskafrí. Það sem af er fríinu hef ég verið svo bissí að ég er búin að taka fram dagbókina til að skipuleggja tímann minn. Í dag fór ég snemma á fætur fór að undirbúa fund sem ég er að fara á á eftir kl eitt. Klukkan tvö þarf ég síðan að vera mætt í vinnuna og verð þar til sex. Þarf að vera búin að skila verkefni fyrir kl sjö, en þá á ég einmitt að vera mætt í aðra vinna. Iss piss, þetta reddast.

2005-03-09T23:52:00.000Z

Íbúðakaup, puff...

Fór í bæinn í dag til að kíkja á nokkara íbúðir sem ég hef verið að skoða á netinu. Er að hugsa um að festa kaup á eins og einni íbúð fyrir vorið. Ég er ein af þeim sem fæ hugdettu og framkvæmi hana, þetta er ein af þessum hugdettum. Reyndar frekar DÝR hugdetta. Ótrúlegt hvað er hægt að borga mikið fyrir íbúðir, skoðaði til dæmis eins sem kostaði 13,2 milljónir, 50 fermetrar og ekki í góðu standi. Það hefði þurft að rífa allt út úr henni og byggja upp á nýtt, a.m.k. 5 milljón króna pakki, uss uss svei. En í alvörunni þá er ég að spá í að kaupa mér íbúð og leigja hana út þangað til ég er búin á Bifröst. Enn hef ég ekki fundið réttu íbúðina en stefi á að skoða fleiri á föstudaginn.*

Talandi um föstudaginn, þá er ég að fara í Kvennó að kynna Bifröst, djö hlakka ég til. Held að það verði rosa gaman að koma aftur í gamla skólann. Er reyndar pínu hrædd um að fá ,,heimþrá,, þegar ég þarf að kveða Kvennó í annað sinn, það fyrsta var nú alveg nógu erfitt. Kvennkælingar takið nú vel á móti mér á föstudaginn kl 12;)

*ég ferð auðvitað ekki mikið út fyrir 101 í þessum íbúðahugleiðingum. Í mínum huga er það 860, 311, 101 eða ekkert**

**sorry Hildur að ég sé að stela þínum stjörnu stíl, finnst þetta bara svo sniðugt

2005-03-08T14:47:00.000Z

Allt í gangi

Fór á frumsýningu á Open sorces hjá Íslenska dansflokkinum á sunnudaginn. Guðrún dansaði eins og engill, og var það samhljóða álit mitt og Rutar að hún hafi verið lang besti dansarinn í sýningunni. Við höfum reyndar hvorugar mikið vit á nútíma dansi og erum reyndar frekar hlutdrægar í þessu máli, en engu að síður þá stóð Guðrún sig alveg frábærlega. Verkið er mjög frábrugðið öðrum dansverkum sem ég hef séð. Skildi það ekki alveg í fyrstu en síðan small þetta allt saman í lokin. Er strax farin að hlakka til að fara á næstu sýningu hjá Guðrúnu.

Ég málaði herbergið mitt um helgina, alveg sjálf. Reyndar ekki í fyrsta skipti sem ég mála, mamma hefur verið svo dugleg að kenna mér ýmislegt verklegt um ævina. Meðal þess sem ég hef ger er auðvitað að mála mörg mörg herbergi, stofur og ganga, dúkalagt herbergið mitt, tengt ljós, skipt um klær, flísalagt og fúað herbergi og gang, sett saman ýmsa hluti og svo mætti legni telja. Ég málið s.s. herbergið mitt og er þemað hvítt og rautt. Rauður er auðvitað uppáhalds liturinn minn og þannig að ég málaði rauðan gafl, bak við nýja rúmið mitt, á vegginn. Síðan er stefnt á að setja rauða filmu á skápan og nýjar höldur. Fór nokkrar ferðir í IKEA til að kaupa ýmsa rauða hluti, eins og til dæmis, púða, rúmföt, kerti og lampa. Þetta verður allt voða flott og stíliserað.

Ég er búin að vera óvenju menningarleg að undaförnu. Á föstudaginn henti ég mér úr mállingargallanum svona rétt fyrir miðnætti og fór á leiksýningu. Ég er ekki hommi er ágætis sýning, svoan létt sjokkerandi og að sama skapi sprenghlæileg. Ég held reyndar að ungt fólki í dag sé alveg ónæmt fyrir svona sjokkeringum, við hlæjum bara að því sem er sjokkerandi . Ég hefði ekki boðið í að fara með mömmu og pabba á sýninguna, hún ætti eiginlega að vera bönnuð yfir 35. Mæli með sýningunni fyrir þá sem nenna ekki á þungar sýningar hjá Þjóðleikhúsinu, með fullri virðingu fyrir Exinni og Jörðinni.

2005-02-23T08:28:00.000Z

Mikið að gera...

Nóg að gera hjá mér þessa dagana, þarf að klára nokkur HÓP verkefni fyrir helgi. sjötta vika langt komin það þýðir að það eru bara þrjár og hálf vika í próf, omg. Reyndar kemur páskafrí í millitíðinni. Tíminn hérna líður alveg skuggalega hratt, mig minnir að þetta hafi liðið svona fimm sinnum hægar fyrir jól. Ja, ég skal seg´ykkur það.

Jæja ætti maður ekki að fara að hlutsta á hann Sigga markaðsfræðikennara babbla eitthvað.

2005-02-15T23:33:00.000Z

Rok og rigning

Fór á þorrablót um helgina, þekkti engan nema tengdafjölskyldu mína og kannaðist við nokkra aðra sveitunga. Þess vegna hafði ég mikinn tíma til að velta mér upp úr fólkinu sem var á blótinu. Komst að því að elstu og lúnustu bændurnir í sveitinni eru lang bestir að dansa. Leið og hljómsveitin byrjaði að spila komu nokkur gömul hjón úr sveitinni og tóku sporið, vá hvað þau voru góð að dansa. Gömlu karlarnir kunnu sko að tjútta. Annars þá var þarna allskonar fólk allt frá því að vera ríkir læknar, úr borginni upp í gamla sauðfjárbændur. Þarna var margt góðra manna og Fjölnir Þorgeirs mætti auðvitað til að sýna sig og sjá aðra í sveitinni sinni.

Fór í gulum gúmmístígvélum í skólann í dag, það var gaman.

2005-02-11T01:45:00.000Z

Mér finnst ég vera svo....
Ung og óþroskuð, eiga eftir að gera svo margt upplifa svo margt. Ástæðan fyrir þessu er sú að ég var í svokölluðu hópefli með misserishópnum mínum. Þetta er hópur sem samanstendur af sex einstaklingum af fyrsta og öðru ári sem velja sig saman í hóp. Við vinnum síðan stórt tveggja vikna hópverkefni í lok annarinnar. Hópurinn hittist heima hjá einni stelpunni og við fengum okkur í glas saman. Eins og gengur og gerist þá ræddum við ýmiss mál og þá komst ég að því hversu óþroskuð ég er. Málið er nefnilega að fólkið sem er með mér er allt 10-20 árum eldra en ég og þarf af leiðandi urðu umræðurnar ósjálfrátt mjög fullorðinslegar. Allir að tala um börnin sín og hvað þau gera og hvernig þau láta. Allir fundu svona samsvörun í því ummmm, nema ég auðvitað, ég bara brosti og gat ekki komið með komment inn í þá umræðu, nema þá kannski með því að segja ,,sko frændi minn....,, Ein konan á meir að segja dætur sem eru eldri en ég og giftar í þokkabót. Hún sagði okkur frá því þegar þær voru unglingar og hún og maðurinn hennar hefðu tekið þær í kynfræðslu nokkur kvöld, til þess að koma í veg fyrir ótímabærar þunganir. Það eru nú ekki svo mörg ár síðan kynfræðsla var skuldufag hjá mér, hehe. Nei, nei, þetta er samt sem áður fínasti hópur og það er nú bara gaman að fjá smá nasa sjónir af því sem koma skal. Góða nótt börn mín góð;)

2005-02-10T09:07:00.000Z

Upp er runnin öskudagur... Í brjósti mér berjast mjög blendnar tilfinningar til öskudagsins. Satt að segja þá dauð leiðist mér öskudagurinn. Heima í sveitinni var öskudagurinn rosalega skemmtilegur. Undirbúningurinn tók oft marga daga, hvernig verður búningurinn, verður manni of kalt ef hann er svona, hvað á að syngja, með hverjum og svo framvegis. Síðan rann dagurinn upp og þá ríkti mikil gleði og tilhlökkun. Við fórum milli fyrirtækja og sungum og fengum nammi fyrir. Það var alltaf besta að syngja í RARIK því að þar fengum við alltaf svala og súkkulaði stikki. Síðan var farið í féló og kötturinn sleginn úr tunnunni. Þetta er nú bara lýsing á nokkuð típískum öskudegi.

En eins og ég sagði þá leiðist mér öskudagurinn í dag og þá sérstaklega í Reykjavík. Það er engin gleði sem skín úr augum barnanna í Reykjavík þegar þau syngja fyrir fyrirtæki, heldur græðgi. Fáir nenna að leggja mikið upp úr búningnum, það nægir hjá mörgum að spreyja á sér hárið grænt eða blátt. Síðan er þetta kapphlaup um að ná sem mestu, hverjum tekst að næla sér í mesta nammið. Krakkarnir vanda sig ekki að syngja heldur syngja Gamla Nóa eins hratt og þau geta til að komast í sem flestar verslanir og fá sem mest magn af nammi.

Og eitt enn öskupokarnir hvar eru þeir í dag?

2005-02-08T15:30:00.000Z

Ég sá rottu og hef ekki sofið síðan
Um helgina var baðherbergið í Mosó rifið. Verið var að fífa gólfið í burtu og taka allt í gegn. Ég var salla róleg í eldhúsinu að spjalla við tengdó þegar Einar Bjarni kemur inn og sveiflar dauðri rottu framan í mig. Rottan fannst víst undir gólfinu í sauna klefanum. Ég auðvitað öskraði og hef aldrei á æfinni séð neitt jafn ógeðslegt. Þorði ekki að pissa á klósettinu þann daginn. Síðan eru liðnar tvær nætur og ég hef lítið sem ekki sofið síðan. Þetta er sko ekkert grín, ég er búin að liggja andvaka og get bara ekki sofnað. Næ kannski að dotta eitthvað smá öðru hverju á nóttunni. Ég er orðin frekar þreytt núna og vona að ég eigi eftir að eiga góða nótt í nótt.

Gaman að´essu...

2005-02-07T22:55:00.000Z

Ætli blogglæðir fylgi veðurlægðum?

2005-01-28T14:13:00.000Z

Gaman...*

hvað eitt hvítvínsglas gerir manni gott.

að vera komin í hegarfrí.

hvað ég var fljót að skilja allt í tölfræði í morgun en hinir legngi.

að keyra um á nýja bílnum.

að hitta stelpurnar á Tárinu á morgun.

að þessu...

*tek það fram að ég er ekki búin að drekka neitt í dag ég er bara svona jákvæð.

2005-01-27T01:33:00.000Z

Fór full af væntingum, kom út full af vonbrigðum
Fór að borða á Rossopromodoro um helgina. Hafði aldrei farið þangað áður en hafði oft labbað fram hjá staðnum og hugsað með mér hvað þessi staður hlyti að vera æðislegur. Flottar innréttingar, sérstaklega rauða mósaikið og síðan ítalskur matur, nammi namm. Ég fór með Þórði og litlu systkinum mínum(sem eru reyndar bæði stærri en ég) Kolla og Birtu. Við settumst inn og fengum borð við hliðina á 8 Selfoss strákum. Þessir strákar voru ÓÞOLANDI, þeir töluðu og töluð hver í kapp við annan og hlógu eins og þeir ættu lífið að leysa. Staðurinn er bara eitt opið rími og hávaðinn magnast frá öllum borðunum. Það verður til þess að það var enganveginn hægt að tala saman og stemmingin minnir sveittan skemmtistað frekar en rólegan veitingastað. Þjónninn kom svo fljótt að við gátum ekki einu sinni ákveðið hvað við vildum drekka. Á endanum tókst okkur svo að ákveða hvað við vildum og öskruðum það til þess að þjónninn heyrði eitthvað í okkur. Pastað sem ég pantaði mér var ekki til, þannig að í flíti þurfti ég að panta mér eitthvað annað. Ég valdi mér pizzu með mosarella, basilikum og pizza sósu. Þegar við vegnum matinn fékk ég pizzuna og það var eitt lítið basilikum blað á henni. Þannig að hún var mjög bragðlaus, þess vegna ákvað ég að biðja þjóninn um oregano til að krydda pizzuna með. Þjóninn tjáði mér að þeir ættu ekki oregano, ég spyr nú bara hvaða ítalski veitingastaður á ekki oregano? Ég hélt því áfram að borða bragðlausa ítalska pizzu. Þjónustan var frekar léleg, og sem dæmi um það kom enginn að borðinu og spurði hvernig smakkaðist. Staðurinn fær þó plús fyrir mjög gott hvítvín.

Ég hef ákveðið að gefa Rossopromodoro eina * af fimm***** mögulegum, þessa stjörnu fá þeir fyrir fallegt mósaik og gott hvítvín.

2005-01-25T15:06:00.000Z

Til hamingju Sigga bekkjarsysir mín úr kvennó eignaðist litla stelpu á laugardaginn. Heyrst hefur að prinsessan sé snoppufríð eins og móðirn. Þetta er fyrsta barnið sem bekkurinn eignast og því höfum við verið mjög spennt.

Ég, Rut og Guðrún erum orðnar mjög spenntar að fara að kaupa eitthvað fallegt til að gefa stúlkunni og kemur sterklega til greina að kaupa fallegna kljó. Ég tel það mjög líklegt að við munum fara eftir ferð á Tárið á laugardags morgun.

Í kjölfarið á þessum tíðindum fór ég að velta því fyrir mér hver verði næstur að eignast börn í bekknum. Ef Robbi ætti ekki svona skynsama kærustu þá myndi ég halda að hann væri næstur, en ég held að Önnu þykji alveg nóg að eiga hund. Ég veit ekki af hverju en alveg síðan ég fór að hugsa um þetta þá hef ég haft það á tilfinningunni að Gussi verði næstu. Er eitthvað sem þú átt eftir að segja mér Gussi minn?? Nei, ég veit ekki, en ég giska á Gussa, tíminn verður þó að leiða þetta í ljós...

2005-01-22T18:29:00.000Z

Mig langar að gera eitthvða skemmitlegt!!!

2005-01-19T15:31:00.000Z

Það er ekkert grín...
að þurfa allt í einu að vakan kl 7:30 á morgnanna eftir að hafa verið í jólafríi í tæpan mánuð. Og til að bæta gráu ofan á svart þá er ískalt úti, svarta myrkur og oftast bylur. Samt fíla ég veturinn. Annars er ágætt að vera byrjuð aftur í skólanum, manni leiðist að minnst kosti ekki á meðan. Þó svo að skólinn hafi bara byrjað í fyrra dag er strax orðið nóg að gera. Búin að skila einu verkefni og er að vinna í tveim öðrum sem þarf að skila á morgun og hinn, gaman gaman. Til þess að þið fáið aðeins meiri innsýn inn í nám mitt hér á Bifröst ætla ég að skella inn smá broti úr verkefninu sem ég var að vinna áðan með honum Haraldi. Til gamans má geta að Haraldur er um fertugt með krullað grátt hár, mjög fínn kall. Hann hefur m.a. unnið sem blaðamaður og í markaðsdeild Olís, fráskilinn tveggja barna faðir. Einn helsti kosturinn við skólann er sá að ég fæ tækifæri til að vinna með allskonar fólki, sem er með allskonar bakrunn og kemur úr öllum áttum. Forréttindi sem ekki eru í öllum skólum. Verkefnið er í áfanga sem heitir Fjármálastjórnun og það fjallar um hvort íslenski hlutabréfamarkaðurinn sé mikið skilvirkur, milli skilvirkur eða lítið skilvirkur.

ATH þetta er örugglega frekar leiðinleg lesning, því ætla ég bara að koma með eina málsgrein úr verkefninu.

Íslenski markaðurinn er mjög lítill og óþroskaður í samanburði við stæðistu hlutabréfamarkaði heims. Ef tekið er mið af því má ætla að markaðurinn hér sé lítið skilvirkur eða óskilvirkur. Raunin virðist þó vera önnur ef marka má könnun Stefáns B. Gunnlaugsson sem fjallaði um skilvirkni hins íslenska hlutabréfamarkaðar. Merkilegustu niðurstöður þeirrar könnunar eru þær að ávöxtun úrvalsvísitölunnar var að meðaltali jákvæð fyrir lokun vegna hátíðisdaga en neikvæð eftir lokun þessara sömu daga. Niðurstöður Stefáns benda til að íslenski hlutabréfa markaðurinn sem er lítill og ætti því að vera óskilvirkur sé ef til vill skilvirkari en sumir af stæðstu mörkuðum heims.

2005-01-17T17:18:00.000Z

Í dag hófst skólinn...

sem þýðir að ég verð fyrir framan tölfuna á hverjum degi og mun þar af leiðandi verða betri bloggari, eða það vona ég.

Ferðasaga

Ég fór um daginn í afmæli hjá ömmu hans Þórðar. Hún býr í Mosfellsdalnum og fyrir þá sem þekkja ekki dalinn, þá er þetta sveitin sem er rétt fyrir ofan Mosó. Eftir afmælið þá ákváðum við að fara í smá fjallafeða svona rétt fyrir svefninn. Eina Bjarni bróðir Þórðar var á jeppanum sínum ásamt Eyþóri litla bróðir þeirra og ég og Þórður vorum auðvitað á Land Rover. Þetta gekk alveg glimrandi vel og við fórum nokkrum sinnum yfir litla á sem liggur um dalinn. Áin var mesta toffæran sem við mögulega komumst í og þess vegna endur tókum við leikinn nokkrum sinnum. Síðan héldum við heim á leið og vorum kominn inn á aðal veginn í dalnum þegar Einar Bjarni ákvað svona rétt aðeins að keyra út fyrir veginn. Það fór ekki betur en svo að hann pikk festi jeppann. Við vorum aðeins á undan þannig að við þurftum að snúa við til að hjálpa strákunum. Það fór ekki betur en svo að við festum okkur líka þegar við vorum að snúa við. Það var svona -7 gráður og ég var klædd í galla buxur og kúrekastígvél. Ég mæli ekki með þessum útbúnaði ef fara eigi á fjöll. Nú voru góð ráð dýr og við hringdum í frænda strákanna sem býr í dalnum og á líka jeppa. Þegar hann var að kominn þá keyrið hann bara beinnt niður þar sem Einar var fastur og festi sig að sjálfsögðu líka. Þannig að núna voru 3 jeppar fastir á svona 100 metrum, þetta var ekkert rosalega cool. Við reyndum að moka og íta á Land Rover því að hann var lang minnst fastur. Það gekk mjög illa og þegar hér er komið við sögu var ég hætt að finna fyrir tánum á mér vegna kulda. Á endanum stoppaði strákur hjá okkur sem var á trölla jeppa og gat kippt í Land Rover. Næst fórum við að reyna að losa frænda strákanna, það gekk ekkert mjög vel þannig að hann ákvað að losa loft úr dekkjunum og fikra sig áfram. Til að getað losað Einar Bjarna þá þurftum við lengri kaðal. Það kom því í minn hlut að keyra í Mosó og sækja kaðal og fara í hlýrri föt. Þetta gekk ágætlega og ég fór í fjallagallan og var orðin hver hin sprækasta. Á meðan ég var í burtu hafði Eingar Bjarni fundið músar unga. Ég hef hingað til gefið mig út fyrir að vera ekkert hrædd við mýs, en vissi reyndar ekki af því að hann hefðu fundið ungann. Ég stóð og spjallaði við Eyþór þegar Eingar Bjarni labbaði í áttina til mín og sagði: ,,Margrét getur þú geymt aðeins fyrir mig bíllyklana,, ég sagði: ,,jájá ekkert mál og rétti fram hendina,, en viti menn þetta voru sko engir bíllyklar sem ég fékk heldur músin. Aldrei á æfinni hef ég öskrað jafn hátt og jafn lengi, ég vissi ekki einu sinni að ég gæti öskrað svona mikið. Ég leit furðu losti á Eingar og henti síðan greyið músar unganum í jörðina. Þetta vakti mikla kátínu meðal bræðranna en ég vara dágóðann tíma að jafna mig. Á endanum losnuðu svo jepparnir og við gátum farið heim. Sumir enn hlæjandi aðrir enn í sjokki.

2005-01-09T14:40:00.000Z

Ég er...

New York

You're competative, you like to take it straight to the fight. You gotta have it all or die trying.

Skemmtileg tilviljun þar sem að ég var síðast í morgun að velta því fyrir mér hvort ég ætti að fara í skiptinám á Man Hattan.

Prófaðu að athuga hvaða borg þú ert...

2005-01-05T22:44:00.000Z

Lélegasti bloggari á Íslandi...

Þetta fékk ég að heyra frá honum Gunnar Þorbergi í afmælinu hans. Ég var ekki sátt við þetta hjá stráknum en ég geri mér reyndar fullkomlega grein fyrir því að ég hef ekkert skrifað síðan 16. desember. Ástæðan er sú að ég var í jóla- og tölvufríi. Það var ekki neitt smá gott að þurfa ekkert að fara í tölvuna í þrjár vikur. Ég vona að komist upp úr því að vera lélegasti bloggari á Íslandi á nýju ári. Já og fyrst ég er að minnast á nýtt ár þá segi ég gleðilegt ár allir sama... Síðastliðið ár...

Var ár breytinga í mínu lífi. Einn góðann veðurdag þann 25. maí var stoðunum kippt undan mér og mér sagt að fara að gera eitthvað, ákveða hvað ég ætlaði að verða þegar ég yrði stór. Sem betur fer verð ég aldrei stærri en 158, sem getur nú ekki talist stórt og ákvað því að fresta því að ákveða hvað ég ætlaði að verða þegar ég yrði stór. Veit ekki hversu skynsamlegt þetta var en meðan ég er að ákveða mig held ég að ég haldi bara áfram að vera hér á Bifröst. Annars var árið svona: Kvennó, góðir vinir, mörg mörg tvítugsafmæli og eitt hjá mér líka, Króatía, gamli bekkurinn, margar góðar stundir, Bifröst, Kaffi Tár, Kaffi hús, mörg heimili, Reykjavík, Bifröst, Hvolsvöllur, Mosó, ég held að ég búi bara í bílnum, góðir foreldrar, Danmörk, skemmtilegir Færeyingar, Útskrift, mörgum peningum eytt í eitthvað sem ekki er skemmtilegt að eyða þeim í s.s. bensín, mat, leigu, handklæði og svo frv, góður kærasti, flutningar, stafsetningavillur, ferðalög, dimmisjón, ógleymalegar stundir, blogg, svefnsíki, sól og sumar, mikið lært, nokkur pör af skóm, hamingja, gleði, tár og sviti og síðast en ekki síst þá var þetta á pakkanna, úrskriftapakkar, jólapakkar, 20 ára pakkar og margar tækifærisgjafir

2004-12-16T15:23:00.000Z

Hor og slef...
Ég byrjaði að vinna í gær, gaf fólki að smakka Nóa konfekt, ekki eins og fólk hafi ekki smakkað það áður. Þetta gekk bara mjög vel, það er alveg ótrúlegt hvað fólk verður ánægt að fá súkkulaði. Það var reyndar einn og einn karlmaður sem sagði nei, ástæðan yfirleitt sykursýki eða offita, en konurnar, ég held án gríns að ég hafi bjargað deginum hjá að minnsta kosti helmingi kvennanna sem komu í bónus faxafeni í gær. Einn af mönnunum sem sögðu nei takk við súkkulaðinu var Sævar Hilberts enskukennari. Hann var að koma úr ræktinni og sagði að hann ætlaði ekki að skemma það með því að fá sér súkkulaði. Hvern hefði grunað að Sævar Hilberts færi í ræktina, ekki mig. Það er alltaf gaman þegar fólk bætir sig. Ég komst að því að sumir þeir redda jólagjöfunum bara á einu bretti í bónus. Kaupa bara svona um það byl 15 kassa af Nóa konfekti og málið er leyst.

Vinnan gekk vel og ég á að vinna á hverjum degi fram að jólum en viti menn. Ég er auðvitað orðin veik. Hangi bara heima og læt mér leiðast. Var að enda við að horfa á Dís, ég veit eiginlega ekki enn hvað mér finnst um myndina. Ágæt á köflum en mér fannst samt vanta eitthvað.

8 dagar til jóla og ég er ekki búin að kaupa eina einustu jólagjöf, ussssss. Kannski ætti ég bara að redda málinum eins og strákurinn sem keypti allt konfektið, nei ég held ekki.

Í dag er Elín vinkona mín 20 ára, til hamingju með það.

2004-12-13T19:39:00.000Z

Lélegt blogg fyrir ykkur...

Það eru allir að skamma mig fyrir að blogga ekki í fríinu, margar ástæður eru fyrir því. Ég komst ekki í almennilegt frí fyrr en á föstudaginn, því að þó ég væri búin í prófum, þá var misserisverkefnið eftir. Ákvað að eyða helginni í eitthvað annað en tölvuna mína. Undanfarnar vikur hafa verið skemmtilegar, mikið búiða að vera í gangi. Ég er búin að fá vinnu, konan hjá Nóa hafði samband og bauð mér að koma. Ég byrja á miðvikudaginn, þannig að ég verð að bjóða upp á konfekt í einhverjum búiðum ef ykkur langar í nammi. Ég er bara ekki búin að vera í blogg stuði og er það reyndar ekki núna. Held að ég verði ekki mjög dugleg að blogga um jólin, kannski þó, ég veit ekki, það kemur í ljós...

Vona að ég komi með skemmtilegra blogg næst. Í kvöld kemur stúfur kærastinn minn til byggða;)

2004-11-30T22:53:00.000Z

Pirringur
Um daginn hringdi í mig kona og sagaði mér að hringja í aðra konu ef ég vildi fá vinnu um jólin. Ég var mjög ánægð með þetta því það er ekki hægt að lifa af námslánum hvað þá að kaupa jólagjafir fyrir námslánin. Ég var því mjög ánægð að vera búin að fá vinnu í jólafríinu. Sérstaklega af því að vinnan hentaði mér mjög vel. Kynna Nóa konfekt í búðum, hefði bara þurft að vinna 4-6 tíma vaktir og fengið fín laun. Konan sem ég talaði við sagði mér bara að senda á sig upplýsingar um númerið mitt og síðan hvenær ég gæti byrjað og hvað ég væri að gera og svona. Ég sendi upplýsingarnar um hæl en heyrði síðan ekkert í konunni meir. Í gær var síðan liðin rúm vika síðan ég hafði sent mail-ið þannig að ég ákvað að forwarda sama maili á hana. Hún svaraði mér loksins og ég komst að því að hún hafði gleymt mér og væri búin að fylla í öll störfin. Þannig að það væri mjög ólíklegt að ég gæti fengið eitthvað. Kannski eina og eina vakt. Þannig að nú hef ég enga vinnu um jólin og get því varla gefið neinar jólagjafir ooooooooooo......

P.s. ef svo ólíklega vill til að þið vitið um vinnu um jólin endilega látið mig vita....

2004-11-25T21:37:00.000Z

Íþróttir og gleraugu fara ekki vel saman

Í allan vetur hef ég farið á blak æfingar tvisvar sinnum í viku og reiknast mér það til að það séu um það byl 25 skipti. Í 2 af þessum 25 skiptum hef ég mætt með gleraugun á æfingu (vanarlega mæti ég með linsur). Þetta væri nú ekki frá sögu færandi nema fyrir það að í bæði skiptin sem ég hef mætt með gleraugun hef ég fengið bolta í hausinn en aldrei þegar ég mæti með linsur. Þeir sem hafa stundað boltaíþróttir vita að það er ekki gott að fá bolta í hausinn. Þeir sem hafa stundað bolta íþróttir og nota gleraugu vita að það er enn verra að fá bota í hausinn. Ástæðar er einfaldlega sú að í lang flestum tilfellum fer boltinn í gleraugun. Ég fór sem sagt á blakæfingu í gær og fékk þessa þrusu uppgjöf beint í gleraugun. Þau skekktust að sjálfsögðu og er ég með sár á nefinu. Var reyndar mjög glöð í morgun þegar ég kíkti í spegil að ég væri ekki með glóðurauga en ég bjóst alveg við því. Það sem ég skil ekki alveg er hvernig í ósköpunum ég fái bara botlann í hausinn þegar ég fer með gleraugun á æfingu.

Þórður er eitthvað pirraður á mér því ég sé ekki neitt þegar ég er ekki með gleraugun og get aldrei fundið þau sjálf. Þannig að ég verð alltaf að biðja hann um að finna þau fyrir mig. Þess vegna hefur hann nokkrum sinnum betn mér á að fara bara í augn aðgerð en ég hef ekki alveg verið að taka undir það. Þó það væri auðvitað mjög gott að vera laus við gleraugun þá veit ég ekki alveg með að láta krukka svona í augunum á mér. Þegar ég kom heim af æfingu í gær með skökk gleraugu og illt í nefinu þá sagði hann ,,núna skulum við bara kíkja á heimasíðuna hjá lasersjón og athuga með svoan aðgerð,, aldrei þessu vant sagði ég bara ,,já, gerum það,, Stuttu síðar komumst við reyndar að því að ég get ekki, a.m.k. að svo stöddu, farið í svona aðgerðir. Maður verður nefninlega að vera með stöðugu sjóna það er sjónin má ekki hafa breyst neytt í a.m.k. 2 ár. Ég er svo óheppin að mín er alltaf að versna og mun halda því áfram a.m.k. meðan að ég er í námi. Þannig að nú veðrður Þórður bara að sætta sig við að eiga sjónlausa kærustu og leita af gleraugunum fyrir hana.

2004-11-23T22:21:00.000Z

Mig langar að...
lesa bækur um jólin. Áðan var ég aldrei þessu vant að horfa á sjónvarpið og þá var verið að auglýsa bækur. Það er auðvitað mjög algengt á þessum árstíma og ekkert til að kippa sér upp við. En allt í einu fékk ég þessa tilfinningu um að mig langaði að lesa bækur um jólin. Ég held að það séu um það byl 5 ár síðan ég hef lesið bók mér til skemmtunar, bara lesið þær bækur sem ég hef neyðst til að lesa í skólanum. Ég er ekki mjög hraðlæs og í rauninni bara mjög léleg að lesa en las samt sem áður oft bækur áður en ég byrjaði í Kvennó. Síðan þá hef ég ekki litið í bók. Þess vegna gladdi það mig mjög að fá þessa einkennilegu tilfinningu. Núna ætla ég að fara að kíkja í bókabúðirnar og bókasöfnin og athuga hvort ég finni ekki eitthvað áhugavert til að glugga í yfir jólin.

2004-11-22T01:02:00.000Z

Magnað...
þegar maður fer inn á blogg hjá einhverjum og villist síðan inn á blogg hjá einhverjum öðrum og fer þaðan inn á blogg hjá öðrum og endar síðan inn á bloggi hjá einhverjum sem maður þekkir. Sá til dæmis áðan að strákur sem ég vann einu sinni með fyrir austan hefur þroskast gífurlega á stuttum tíma. Allt í einu kominn með konu og barn, spes.

Átti annars bara fína helgi:

Hitti nokkra úr bekknum mínum í afmæli hjá Guðrúnu , það er alltaf jafn skemmtilegt.

Pantaði kínverksan mat og drakk hvítvín með Röggu og Þórði.

Svaf út og chillaði upp í rúmi í nokkra klukkutíma, ummmm svo gott.

Strákur sem ég þekki vel heldur að annar strákur sem ég þekki vel en hann þekkir ekki vel sé hommi. Ég skal ekki segja.

Átti góða stund með fjölskyldunni, sem gerist allf of sjaldan þessa mánuðin.

Heyrði af slæmu sambands sliti og vona svo sannarlega að ég þurfi aldrei að lenda í slíku.

Bjó til eyrnalokka, eitthvað sem ég hef ekki gert í langann langann tíma.

Fékk slæmar fréttir af vinkonu minni sem lamaðis í andlitinu af völdum veirusýkingu. Það eru þó 70-80% líkur á að hún muni lagast.

Helgin búin og ég að fara að sofa...

2004-11-18T11:52:00.000Z

Núna er... ...15 gráðu frost á Bifröst og ég er MJÖG glöð að eiga góða dúnúlpu ...bara 5 og hálfur klukkutími þangað til að ég veð búin í prófunum ...ég með stress í maganum, því ég er að fara í munnlegt próf ...ég farin að hlakka til að mála systkini mín fyrir ´85 ballið ...ég farin að hugsa um hvað ég eigi að gefa Guðrúnu í afmælisgjöf ...að fara í 3 daga frí ...gaman að lifa

Hlakka til að hitta sem flesta um helgina.

2004-11-17T01:40:00.000Z

Lítil stelpa...
...söng bráðum koma blessuð jólin. Snjónum kyngdi niður. Útvarpstöðvarnar eru farnar að spila jólalög. Ég er alveg að verða búin með ,,jóla,, prófin. Jólaljósin eru komin upp á Laugarveginn. Samt ákvað ég að fresta því að fara í jóla stuð, mér finnst það bara ekki tímabært.

Ég dýrka snjóinn. Það er fátt skemmtilegra en að fara út í snjókast, fara á rúntinn og helst festa sig í skafli, búa til engla og fara í göngutúr. Nú get ég loksins grafið upp hlýju fötin mín að sem hafa verið niður í kassa undanfarin ár. Fyrir utan það að nú fæ ég tækifæri til að nota nýju dúnúlpuna mína á hverjum degi. Ég er reyndar búin að nota hana á hverjum degi síðan ég keypti hana, þrátt fyrir að það hafi nú ekki alltaf verið mjög kalt. Suma dagana var bara mjög hlýtt en ég lét mig hafa það, enda er úlpan rosalega flott. Ég fékk reyndar svolítið skrítið augnaráð frá fólkinu í skólanum þegar það var sem heitast úti, en eins og mér sé ekki sama. Það eru svo ótrúlega margar stelpur sem eru alltaf að kvarta yfir því hvað sé kalt úti og hvað snjórinn sé pirrandi. Ég segi nú bara klæðið ykkur betur við búum á Íslandi, ÍS....Persónuleg mæli ég með Polartec flísbuxum girða þær ofan í loð bomsur til að fá ekki snjó á buxurnar, hlýrri peysu og dúnúlpu. Þá er maður fær í flestan snjó nei ég meina sjó. Yndislegt....

2004-11-15T17:31:00.000Z

I´m coming to town...

Já, þið lesið rétt. Ég er að fara að leggja af stað til Reykjavíkur. Ástæðan er lélegt gegni í rekstrarhagfræði prófinu og hugar ástanið eftir því. Mér tókst að sannfæra Þórð um (sem var reyndar ekki erfitt) að það eina sem hægt væri til að laga líðanina væri að fara til Reykjavíkur. Næsta próf er ekki fyrr en á fimmtudaginn og stefni ég á að læra á bókhlöðunni þangað til. Ég er komin með mikla leið á að búa í einu herbergi þar sem maður hanigr, lærir, sefur, hlær, grætur og ég bara veit ekki hvað, allt í einu litlu rími. Þess vegna vantar mig pláss til að lifa og líka smá Kaffi tár og nokkrar vinkonu. Þannig að allir sem hafa áhuga geta fegnið að hitta mig a.m.k. í smá stun(þar samt að læra sko).

Jæja best að fara að leggja af stað

Cia, Margrét

2004-11-12T14:13:00.000Z

Fjögur búin tvö eftir....

Ég er bara búin með fjögur próf og á bara tvö eftir. Því miður þarf ég samt sem áður að eyða helginni í að læra undir leiðilegast fagið, rekstrarhagfræði. Hildur veit hvað ég er að tala um þegar ég segi að hagfræði sé ekki skemmtilegt fag. Ég verð að segja að ég hef aldrei skilið hvernig fólk nenni að leggja hagfræði fyrir sig, en þetta voru auðvitað bara fordómar. Núna eftir að hafa kynnst hafræði þá skil ég alls ekki hvernig fólki dettur það til hugar að verð til dæmis prófessorar í hagfræði. Ég fer í síðasta prófið á fimmtudaginn kl 17:30, munnlegt próf í markaðsfræði. Ég er síðust þann daginn þannig að kennarinn á eftir að vera orðinn mjög súr þegar ég mæti í prófið. Þá hefur hann þurft að hlusta á um það byl 40 manneskjur þylja upp svör við spurningum úr markaðsfræðinni. Markaðsfræði er reyndar skemmtilegasta fagið í skólanum að mínu mati og ástæða þess að ég ákvað að mér hugkvæmdist að fara í viðskiptafræði. Veit samt ekki alveg hvernig mér eigi eftir að ganga í munnlegu prófi. Ég hugsa stundum með hryllingi um munnlegu tungumálaprófin í Kvennó. Ég kom aldrei upp orði og allar hugsanirnar fóru í graut í hausnum á mér. Hef nú reyndat aldrei verið talin mjög sleip í tungumálum. Vona að það gangi betur á fimmtudaginn, þá fæ ég að minsta kosti að tala íslensku.

Skrapp að eins til Reykjavíkur í fyrridag. Hitti Siggu á tárinu hún hafði í nógu að snúast eins og fyrri daginn. Kenndi mér alveg furðulega flotta leið til að brjóta saman boli, hef reindar ekki prófað hana enn þá. Mér var boðið út að borða á Hardrock Cafe og fékk ekki góðan mat. Samlokan mín var köld og ég var öll rispuð í gómnum vegna þess að brauðið var svo hart. Ætlaði að fara í kvennó að horfa á hæfileikakeppnina, en var svo þreytt að ég bara komst ekki, sorry Sigga mín. Átti mjög góðan morgun á tárinu og fékk að sjálfsögðu fullkominn morgunmat þar. Gat lesið blöðin, horft á fólkið þeytast niður bankastrætið og útstillingahönnuðina hjá Sævari Karli stilla upp því allra heitasta fyrir jólin. Svört dragt, svört pils, svartir kjólar, svartar buxur, svartar fjaðrir og svartir skór. Það verður að segjast að þetta voru ekki föt sem lífga mann upp í svartasta skammdeginu.

Jæja ég held ég fari bara að brjóta saman boli?.

2004-11-06T22:09:00.000Z

Leiði, leiði?.

Ég get ekki lýst því hversu leið ég er yfir að geta ekki verið á Króatíu djammi. Í staðinn þarf ég að húka hér á Bifröst að reyna að lesa undir arðsemisgreiningar próf. Ekki bestu skipti sem hugsast getur. Bifröst er ekki skemmtilegasti staðurinn á jörðinni til að vera á á laugadagskvöldum. Allir sem fóru saman til Króatíu í vor og reyndar þeir sem ekki fóru með en útskrifuðust eru að hittast á Gauknum bara í þessum skrifuðu orðum. Ég get í raun ekki ímynað mér hversu rosalega skemmtilegt hlítur að vera þar. Rifja upp góðar stundir, mikið rugl, drykkju, hlátur, söng, Clup Plava, ömurlega teknó tónlist, frábæra slagara á borð við Barcelona, sögur, skandala, sólböð eða ekki sólböð, félagan á ,,lókalnum,, og svo mætti lengi telja. Það er alveg magnað hversu mikið ég sakna Kvennó. Ég virðist ekki vera ein um að sakna skólan því sömu sögu er að segja af félögum mínum. Æ, ég ætla að hætta að skrifa og fara bara að grenja?.

?og ekki hlusta á það sem einhver sagði svo oft í fyrr nefndri fer ,,farð´ekki að grenja,,

2004-11-02T11:07:00.000Z

50´ gleði, gleði....

Ég var að spalla við litla bróðir hans Þórðar í gær. Hann sagði mér meðal annars að það væri 50' vika í skólanum sínum, Borgarholtsskóla. Þetta væri nú ekki frá sögu færandi nema fyrir það að ég missti mig aðeins á netinu við það að skoða hverni 50' heimasíður. Komst að því að í Bandaríkjunum eru verslanir sem selja eingöngu 50' dót, allt frá fatnað til klósettrúllustanda. Ekki nóg með það heldur eru þessir hlutir allir nýjir, hver segir að Bandaríkin sé slæmur staður?

Allavegana þá er hér síða með alveg sjúklega flottum kjólum, ég vildi að ég ætti nokkra...

2004-10-28T01:32:00.001Z

Ég er virkilega ánægð með bréfið sem sent var ritstjóra DV á dögunum. Ekki síst vegna ungs aldurs stúlkunnar sem skrifaði bréfið. Þegar 14 ára unglingur hefur sterkari siðferðiskennd en ritstjóri DV er þá ekki eittvhað að? Ja, maður spyr sig....

2004-10-28T01:32:00.000Z

2004-10-21T20:25:00.000Z

Stundum?
Þá bara nenni ég ekki neinu. Það er akurat þannig sem að mér líður núna. Ég verð að taka til því að herbergið mitt er vægast sagt ógeðslegt. Það er búið að vera svo brjálað að gera síðustu tvær vikur að við höfum hvorki haft tíma til að taka til né þvo þvottinn. Í morgun þegar að ég var að klæða mig fyrir skólann komst ég að því að ég átti engan bol til að fara í, allir óhreinir. Á þeirri stundu ákvað ég að þvo þvottinn minn strax í dag til þess að þurfa ekki að fara á brjóstahaldaranum í skólann. Fór í þvottahúsið um tvo leitið og byrjaði að taka til í herberginu mínu. Þegar ég var svona hálfnuð(veit ekki hvernig á að skrifa þetta orð og heldur ekki tölvupúkinn) þá mundi ég eftir því að ég átti eftir að undirbúa mig undir hópverkefni. Ég þurfti því í miðjum klíðum að fara að læra. Eftir verkefnavinnuna kom ég heim og nennti alls ekki að klára að taka til. Ákvað því að horfa á eins og einn Friends þátt. Núna þá þarf ég að klára að taka til en bara nenni því ekki. Ég þarf líka að læra fyrir markaðsfræði hópverkefni og klára viðskipta og rekstrarréttar verkefni en bara nenni því heldur ekki. Þess vegna ákvað ég að blogga, hafði samt ekkert merkilegt að segja. Það er einmitt ástæðan fyrir þessu ja, vægast sagt leiðinlega bloggi. Bið ykkur um að afsak það?

Kem í bæinn á morgun, helgin alveg pökkuð, frumsýning, blakmót, námskeið, afmæli, lærdómur, kaffihús(vonandi, ef einhver nennir með mér) og kannski eitthvað fleira sem ég man ekki. Vonast til að sjá ykkur öll um helgina, eða svona næstum öll.

Verð að fara að hætta þessari vitleysu og gera eitthvað af viti. Cia?

2004-10-18T23:40:00.000Z

Komst að því um helgina...

...að heilinn í mér tekur sér frí um helgar. Þess vegna kem ég með mikið af ljóskulegum svörum og athugasemdum um helgar, ég vona bara að þið umberið það. Ástæðan er sú að ég hugsa svo mikið í miðri viku að ég er bara búin með allar vel ígrunduðu og gáfulegu setningarnar þegar helgarnar koma.

...að stundum get ég drukkið ótæpilegt magn af áfengi án þess að verða full. ?að prjónablöð frá 1978 eru mjög flott og að prjónablöð frá fæðingarári mínu 1984 eru mjög fyndin.

?að amma bakar ekki franska súkkulaði köku í ÖLLUM veislum sem hún eða börn hennar halda. Þetta olli mér, systur minni og mákonu miklum vobrigðum og vona ég að amma muni sjá af sér og bara eina ,,franska,, fyrir næstu veislu.

?að ég segi fleiri brandara þegar ég hitti vini og kunningja í helgarfríunum heldur en ég gerði áður en ég hóf nám hér á Bifröst. Ástæðan er einföld. Hingað til hef ég reynt að gera móralinn aðeins léttari í hópverkefnum með því að spauga eitthvað í fólkinu sem ég er að vinna með. Þetta hefur ekki verið að koma nógu vel út fyrir mig, því fólkið er aðeins að misskilja mig og fattar ekki alveg að ég sé að grínast. Það leiðir af sér óþægilega þögn og síðna segi ég ,,ummmm, ég var sko bara að djóka,,

?að það er fátt betra en að fá heila þykka og góða sæng til að sofa með.

?að stemmingin á Kristjáni 10 hefur ekkert breyst frá því að við vinkonurnar stunduðum staðinn oftar en góðu hófi gegnir. Sama fólkið, sama fylliríið, sama stemmingin, sömu slagsmáli og svona gæti ég lengi haldið áfram.

?að Sigga er ótrúlega léleg í Sing Star, þó svo að hún sé ótrúlega góð að syngja í alvörunni. Held að hún þurfi að fara að heimsækja ónefndan bróður minn til að fá að æfa sig í Sing Star áður en hún keppir aftur.

?að konurnar í Marco Polo kringlunni voru hneykslaðar á því að okkur hafi dottið það til hugar að kaupa afmælisgjöf handa ömmu, sem var 70 ára um helgina, í búðinni. Varð til þess að við urðum að finna eitthvað til að gefa henni úr Marco Polo. Það tókst og amma var mjög ánægð með gjöfina. Ég meina amma á meir að segja bol frá Custo Barcelona, auðvitað getur hún keypt föt í Marco Polo.

?að veturinn er kominn.

2004-10-12T20:45:00.000Z

Úpss...Kanski er sniðugra að setja réttan link þegar ég er að láta fólk tékka á einhverju. Hér er sem sagt rétta síðan www.custo-barcelona.com

2004-10-12T10:46:00.000Z

Tékkið á þessu....

Mæli með að allir sem hafa áhuga á að skoða heimasíður með flottri hönnun og geðveikum fötum kíkji á www.cousto-barcelon.com. Ég er búin að vera að skoða þessa síðu aðeins of mikið síðustu daga og langar í allt eða svona næstum allt. Fyrir utan það hvað mig langar hrikalega mikið til Barcelona, þar sem menningin ræður ríkjum. Er það ekki rétt hjá mér Sigga og Elma?

Cia

2004-10-11T15:04:00.000Z

Eftir annir síðastliðinnar viku?.

Það var allt of mikið að gera hjá mér í síðustu viki. Ástæðan voru 3 próf auk venjulegra verkefnavinnu og eins óvenjulegs verkefnis sem tók allt of langann tíma, samningaviðræður, leynilegir fundir, sameiningar fyrirtækja og 4 kls. ,,alvöru fundur,,. Á föstudaginn var ég svo þreytt að ég ákvað að eiga rólega helgi. Þegar ég kom í bæinn fór ég í Sing Star heima á Laugarásvegi, það var alveg ótrúlega gaman. Ég komst meðal annars að því að til að sigra í Sing Star þá þarf maður enga söng hæfileika. Sem er mjög jákvætt fyrir mig. Ég er búin að ákveða að halda Sing Star party um leið og ég hef tækifæri til. Held nefnilega að Sing Star með áfengi í góðra vina hópi sé mun skemmtilegar en Sing Star án áfengis. Um helgina fór ég í afmæli, heimsóknir, á kaffi hús, bauð heim fólki heim í Sing Star, hélt brunch, fór í búðir, horfði á eina video spólu og slappaði af. Saman lagt held ég að þetta myndi hina fullkomu helgi.

2004-10-05T02:10:00.000Z

Var að klára að læra?
og klukkan ekki nema 01:52. Er að bíða eftir að Þórður klári ,,smá? dæmi sem ég þarf að hjálpa honum með. Ekki það að ég sé svona klár í Arðsemisgreiningu ó nei, ég fékk bara hjálp við dæmið áðan og þess vegna get ég hjálpað honum. Orðin frekar þeytt á þessu og er farin að kvíða fyrir að þurfa að mæta í markaðfræði kl. 8 í fyrramálið, sex tímar til stefnu. Ég held að Þórður sé að verða búin að klára þetta dæmi þannig að ég get farið að sofa?

Já, meðan ég man þá held ég að við skreppum aðeins til Reykjavíkur þannig að ef einhver hefur áhuga þá er mjög líklegt að ég verið á Kaffi Tár milli 16 og 18. Strax farin að hlakka til að fá mér eitthvað gott á Tárinu vonandi í góðra vina hópi. Hef ekki farið á Tárið síðan í sumar og sakna þess mjög mikið.

Góða nótt

2004-09-29T22:26:00.000Z

Metnaður og svartsýnir bloggarar.
Ég held að ég sé að verða metnaðarfull. Síðastliðin ár þá hefur mér líkað frekar illa við það hversu ómetnaðarfull ég hef verið. Ég velti því oft fyrir mér hvers vegna ég sé ekki metnaðarfull og fékk í raun ekkert svar. Mér var bara nokkurn veginn sama hvað ég fékk í einkunn og var ekkert sérstaklega að spá í því. Reyndar fóru einkunnir mínar hækkandi með árunum í Kvennó og ég var nú mjög ábægð með það. En ástæðan fyrir því að ég er að velta þessu fyrir mér núna er sú að ég held að ég sé að verða metnaðarfull. Að minsta kosti þá var ég mjög fúl á föstudaginn þegar ég komst að því að ég hefði bara fengið 5 í arðsemisgreiningar verkefni. Á Bifröst þarf 6 til að ná á prófum og þessi einkunn er bara mjög slæm. Tek það fram að arðsemisgreining er ekki mjög skemmtilegt fag og það tekur svona um það byl 8 klukkustundi að vinna verkefni sem er upp á 5. Vilji ég fá hærra verð ég einfaldlega að eyða ca. 15 klukkustundum í verkefnið. Það er ekkert sérstaklega gaman að þurfa að eyða svo mörgum tímum í hverri einustu viki í fag sem er ekki skemmtilegra en raun ber vitni. Allavegana þá eru einkunnirnar farnar að skipta mig mun meira máli en þær gerðu og er ég mjög ánægð með það.

Ég er mjög ánægð með lífið hér á Bifröst þessa dagana. Allt virðist vera betra en það var í byrjun og námið er alls ekki svo slæmt. Ég er að verða búin að venjast því að þurfa að læra allan daginn og líka á kvöldin (ég sem hef aldrei þolað að læra á kvöldin) og það er bara fínt að vera alltaf að læra. Það er nefnilega ekkert í boði hér að bíða eftir að komast í gírinn þú bara verður að læra. Svona er lífið, stundum gengur allt svo vel og stundum svo illa. Mér sýnist aftur á móti ekki vera alveg jafn mikil gleði í Háskóla Íslands. Þeir sem ég þekki þar og halda úti bloggsíðum virðast vera frekar svartsýn þessa dagana. Ég held því fram að það borgi sig að vera bara bjartsýnn og tek mér hin fleigu orð Sverris Stormskers í munn og segi við ykkur Tinna og Hildur:

?horfð´á björtu hliðarnar, heimurinn hann gæti verið verri?

2004-09-28T13:47:00.000Z

Hópverkefni, hópverkefni...
Þið sem eruð/voruð í Kvennó og hafið einhverntímann kvartað yfir mörgum hópverkefnum, þá skulu þið ekki koma í skólann minn. Ef þið komið á Bifröst þá getið þið fengið að taka þátt í miklu miklu miklu fleiri hópverkefnum heldur en í kvennó. Ég skal bara lýsa fyrir ykkur hvernig þetta er hjá mér. Hópverkefni um helgina, hópverkefni í gær, nýtt hópverkefni í dag, annað í kvöl og svo líka hópverkefni á morgun. Gaman gaman....

Hópverkefni eru sem sagt ástæðan fyrir því að ég hef ekki fengið neinar góðar blogg hugmydnir...

2004-09-23T13:49:00.000Z

Nammi, namm...

Mér datt í hug að það gæti verið sniðugt að koma með eina og eina góða uppskrift á bloggið mitt fyrir þær vinkonur mínar sem finnst gaman að elda.

Núðluréttur námsmannsins: (f. ca. 2-3)

Núðlur

Slatti af hvítkáli

Nokkrar gulrætur

Smá biti af engifer

Nokkrar sneiðar af púrrulauk

1-2 kjúklingabringur

Ostrusósa

Sojasósa

Salt og pipar

Olía

2-3 egg (ef vill)

Skerið grænmetið niður í mjóa strimla og saxa engiferið, takið frá og geimið í smá stund. Skerið kjúklingabringurnar niður í bita og steikið á pönnu, upp úr sojasósu, salti og pipar. Geymið kjúklingabringurnar og steikið nú grænmetið, athugið að steikja grænmetið ekki of mikið, gulræturnar mega vera pínu harðar. Meðan kjúklingurinn og grænmetið er að steikjast á að setja vatn í pott og láta suðuna koma upp, þá eru núðlurnar settar út í og látnar sjóða í ca. 4 mín (misjafnt eftir tegundum). Sigtið vatnið frá núðlunum og steikið núðlurnar á pönnu ásamt hrærðum eggum (ef vill), kjúklingnum og grænmetinu. Bætið við ostrusósu, sojasósu, salti og pipar eftir smekk. Athugið að það er nauðsinlegt að setja olíu á pönnuna áður en núðlurnar eru steiktar því annas festast þær við. Gott er að bera sósurnar fram með núðlunum því sumir vilja kannski setja meiri sósu á núðlurnar. Athugið að það má setja hvaða grænmeti sem er í réttinn, bara eftir því hvað er til í ískápnum. Mæli samt með því að hafa það grænmeti sem er í uppskriftinni og bæta frekar við það. Ég er búin að prófa að bæta sveppum við og það var ekki að virka neitt sérstaklega vel, þannig að ég mæli ekki með sveppum. Einfal, ódýrt og fljótlegt gjörði svo vel!!!

2004-09-23T13:07:00.000Z

Kem til byggða...
Já það er satt ég kem til byggða á morgun. Mig vantar einhvern til að leika við um helgina, hvern langar??

2004-09-21T20:50:00.000Z

Moli smalahundur og morðóða kindin.

Átti frábæran sunnudag í sveitinni, var ein með mömmu og pabba allan daginn. Við skoðuðum gömul myndalbúm, þar voru meða annars myndir af mömmu að reykja og pappa í háhæluðum skóm (þetta var á hippatímabilinu og þá þótti töff þegar karlmenn voru í háum hælum). Síðan var önnur mynd af pabba þar sem hann leit út alveg eins og poppari í dag, með úfið hár og í ?leddara?. Þennan dag lögðum við okkur um það byl fjórum sinnum en áttum það sosum alveg skilið því við lentum í mikilli smalamennsku. Fólk eins og við, sem þykist vera sveita fólk en er í rauninni bara borgarbörn, á ekki að smala rollum. Hvað þá ef maður á punt hund eins og mola, sem heldur reyndar að hann sé mikill smala hundur, en rollurnar hlæja nú bara af honum. Það gekk vægast sagt ylla hjá okkur að smala þessum rollum út af landinu. Kindurnar höfður stolist inn á landið til að japla á birkitrjánum sem við gróðursettum í sumar, við litla hrifningu foreldra minna. Eins og ég sagði þá gekk þetta mjög illa hjá okkur en Moli hann náði reyndar einni kindinni. Hann er langt frá því að vera smalahundur en náði í skottið á kindinni með því að bíta í rassinn á henni og hanga þar. Kindin var ekkert mjög sátt við að þetta litla loðna kvikindi héngi svona í rassinum á sér og ákvað því að reyna að drekkja honum. Hún stangaði Mola út í tjörn og ef mamma hefði ekki komið að þessum barsmíðum þá væri Moli ekki meðal vor í dag. Kinda hópurinn hvarf eitthvað út í buskann en okkur tókst að reka þessa einu morðóðu kind aftur þangað sem hún á heima.

2004-09-16T16:58:00.000Z

Af einhverri óútskýranlegri ástæðu þá er kommentakerfið komið í lag....gleði, gleði

2004-09-16T16:53:00.000Z

Ég hel að feimni sé eins og...
...alkahólismi. Málið er að síðustu vikurnar þá hef ég nefnilega alveg gleymt mér í feimninni, af hverju? Jú, eftir að ég ákvað að hætta að vera feimin þá var ég alltaf með hugann við það. Hei, passa sig að verða ekki feimin Margrét mín, var ég alltaf að hugsa þegar upp komu þær aðstæður að ég var að verða feimin. Þetta gekk svo vel að ég var alveg hætt að þurfa að hugsa um það að passa mig. Ég var búin að kynnast fullt af nýjum og skemmtilegum krökkum í Kvennó og Tónó og veröldin var orðin eitthvað svo örugg og hættulaus. Síðan er maður látinn setja upp einhvern hvítan hatt og bókstaflega hent í djúpu laugina. Málið er bara að líkt og alkahólistarnir þá verður maður að taka einn dag fyrir í einu og vera meðvitaður um þennan galla. Feimni er ekkert annað en galli. Ef þú vilt fá allt það besta úr lífinu þá er vonlaust að vera feiminn, því þá ertu alltaf að missa af svo mörgu sem þig langar til að gera, missir af því að kynnast því fólki sem vekur áhuga þinn og svo framvegis. Þannig að frá deginum í dag þá ætla ég að taka mig á, hætta aftur að vera feiminn og reyna nú að kynnast einhverju af þessu fólki sem er hérna.

2004-09-16T11:49:00.000Z

Mar og þrútnir puttar...
Í gær fór ég á mína fyrstu blak æfingu hér á Bifröst, það var mjög gaman að rifja upp gamla takta. Er reyndar með kúlu og marblett á hendinni eftir að hafa tekið óþarflega marga fleiga og fingurnir eru frekar stirðir, en maður verður nú að taka á því og fórna sér í boltana. Stefni á það að finna ekki fyrir svona aukaverkunum vegna blakiðkunar eftir nokkrar æfingar. Fór að rifja upp gömlu góðu dagana á Hvolsvelli. Þar náði hið frábæra stúlkna lið framúrskarandi árangri, einn, tveir skessur...vað það ekki?

Annars er stemmarinn bara góður, hlakka til að komast í bæinn á morgun. Stefnan er tekin á ellefuna til að kveðja hana Bergþóru. Líklegt að þar verði margt um manninn og mikil gleði...

2004-09-14T11:31:00.000Z

Afmælishelgin mikla...
Hélt tvö afmæli og fór í eitt. Á föstudaginn var haldið mikið teiti í Mosó. Ég bjóst nú ekki við mörgum, því ég spyr ,,hver nennir í partý í Mosó?? Það lítur út fyrir að nokkuð margir nenni að mæta í partý í Mosó, sem betur fer, því afmæli án gesta er langt frá því að vera skemmtilegt afmæli. Fyrst mættu nokkrar vinkonur mínar og við héldum smá pylsu partý eins og í ?denn?. Síðan komu fullt af núverandi og fyrrverandi kvennskælingum og fjörið hélt áfram fram eftir nóttu....

Á laugardagskvöld fór ég, Rut og Tinna í afmæli til Stymma á Rauða Ljóninu. Gáfum honum skyssubók og bjór, hvað annað á að gefa mönnum eins og Stymma í afmælisgjöf? Þar var mikið um dýrðir fullt af fólki og fjör. Þema afmælisins var flugfreyjur og skrifstofumenn, sem er mjög kaldhæðnislegt þegar skoðuð er dagsetning afmælisins ?9/11?. Síðan var haldið niður í bæ en þar sem að ég sat aftur í, í litla ópelnum hennar Rutar þá varð ég mjög bílveik á leiðinni. Ég varð því að kveðja miðbæinn minn og halda út í sveit vegna ógleði (tek það fram að ég drakk ekki dropa af áfengi þetta kvöldið)....

Á sunnudaginn brunuðum við Þórður heim í sveitina til að halda kaffiboð. Þetta var vel lukkaður afmælisdagur þrátt fyrir að ég hafi gleymt að bjóða í afmælið. Reddaði því með því að hringja nokkur símtöl á sunnudagsmorgun og ótrúlegt en satt þá mættu þó nokkrir í boðið....

Þema afmælisgjafanna þetta árið voru; töskur og skór, ekki amalegt þar. Það er mjög skrítið en í hvert skipti sem ég fæ gjafir, þá dettur öllum í hug að gefa mér sama hlutinn. Til dæmis var þema síðustu jóla rúmföt, þegar ég fermdist fékk ég bara hálsmen í fermingargjöf, í fyrra á afmælinu mínu voru gjafir úr Steina Bergmann mjög áberandi og í ár voru það skór og töskur. Ég er ekki að segja að þetta sé slæmt heldur bara sérstakt....

2004-09-10T11:32:00.000Z

Comment

Commentakerfið hjá mér er í einhverju hassi þannig að enginn getur kommenterað. Er búin að vera að reyna að vinna eitthvað í þessu en held að ég verði að fá einhvern góðan til að hjálpa mér.

Þarf að skella mér í arðsemisgreiningu, skemmtilegustu tímar vikunnar eða þannig...

2004-09-09T21:17:00.000Z

Haloscan commenting and trackback have been added to this blog.

2004-09-09T20:02:00.000Z

Sorry, sorry, sorry

Ég virðist ekki ætla að ná þessu rétt, afmæli er 10. september ekki 11. eins og ég skrifaði hér fyrir neðan!!!

2004-09-09T18:24:00.000Z

AFMÆLI AFMÆLI

Þar sem að Stymmi f.v. kvennskælingur ákvað að halda upp á afmælið sitt á laugardaginn alveg eins og ég þá ákvað ég bara að færa afmælið mitt, þannig að ég ákvað að flytja afmælið mitt fram um einn dag. Nú er ykkur sem sagt boðið í afmælið mitt föstudagskvöldið 11. september kl. 21:00 að Arnartanga 55, í Mosó!!

2004-09-09T17:13:00.000Z

Var að enda við að SVÓT-greina Gróandann og koma með tillögu hvernig CRM geti nýst Gróandanum... Segir þetta ykkur ekki margt? Svona er nú að vera í viðskiptafræði.

Var að MSN-ast við Ragnheiði frænku í gær og þá kom Askur frændi og fékk að segja nokkur orð við mig. Það er mjög skemmtilegt að msn-ast við hann því hann er svo mikill grallari. Hann byrjaði reyndar á að segja að hann hlakkaði til að koma í afmælið mitt og að hann væri búin að ákveða afmælisgjöf fyrir mig en mætti ekki segja neitt. Hann hefur nefnilega mjög gaman að öllum svona veislum og boðum strákurinn, sérstaklega þegar pakkar eiga hlut að máli. En allaveg síðan sagði hann "ég sakna þín? og sendi hjarta með og ég sagði ,,ooooo ég sakna þín líka? en haldið þið að hann hafi ekki sent brotið hjarta en síðan kom reyndar ,,bara að stríða? og síðan ,,af því að þú villt kannski bara myndavél í afmælisgjöf?. Ég veit ekki meir, en það er alveg ótrúlegt hvað krakkar geta verið súrir.

Já, talandi um afmæli, er búin að bjóða slatta af fólki í teiti á laugardagskvöld. Þannig að þeir sem þekkja mig mega koma til mín í afmæli á laugardagskvöld kl. 20:00 að Arnartanga 55 í Mosó. Ég er svona að velta því fyrir mér hvernig ég á að hafa þetta allt. Ég er nú ekki vön að eyða of löngum tíma í að skipuleggja og ákveða svona hluti, ég bara dembi mér í undirbúninginn á laugardaginn þegar ég kem í bæinn. Síðan ætla ég að halda alvöru kaffi boð fyrir frændfólk mitt á sunnudaginn. Mér finnst svo gaman að halda veislur og bjóða til mín fólki, enda reyni ég að gera það sem oftast. Ólíkt mörgum þá hef ég allavegana haldið upp á afmælið mitt síðustu ár. Málið er að það er svo leiðinlegt að eiga afmæli ef það er ekkert um að vera.

2004-09-08T20:30:00.000Z

Ákvað að byrja að blogga þar sem að ég er nú flutt upp í sveit og er ekki mjög dugleg að hringja í vini og kunningja. Þannig að héðan í frá getið þið lesið allt um LÍF MITT Á BIFRÖST....